كەشە وتكەن سەنات وتىرىسىنىڭ قورىتىندىسى بويىنشا، بىرقاتار باق مەملەكەتتىك قىزمەتشىلەرگە ەندى بيزنەسپەن اينالىسۋعا رۇقسات ەتىلدى دەگەن اقپاراتتى جاريالادى.

(سۋرەت:https://www.facebook.com/)

بۇل حابارلاما شىندىققا سايكەس كەلمەيدى. زاڭدا مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن تۇلعالار قاراستىرىلعان.

ولارعا، سونىڭ ىشىندە:

- مەملەكەتتىك ورگان سانالمايتىن مەملەكەتتىك مەكەمەلەردەگى جانە مەملەكەتتىك كاسىپورىندارداعى (ونىڭ ىشىندە مەكتەپتەر، اۋرۋحانالار) باسقارۋشىلىق فۋنكتسيالاردى جۇزەگە اسىراتىن تۇلعالار;

- «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى;

- اۆتوموبيل جولدارىندا تەحنيكالىق جانە اۆتورلىق قاداعالاۋدى جۇزەگە اسىراتىن تۇلعالار جاتادى.

بىراق، ءتىپتى ولار ءۇشىن دە، زاڭمەن كاسىپكەرلىك جانە باسقا دا اقىلى جۇمىستارمەن اينالىسۋعا تىيىم سالىناتىن جاعدايلار بەكىتىلگەن. اتاپ ايتقاندا، ەگەر ول:

- جۇمىس لاۋازىمدىق مىندەتتەردى ورىنداۋعا كەدەرگى كەلتىرسە;

- قىزمەتتىك مۇلىكتى پايدالانۋعا اكەپ سوقسا;

- مۇددەلەر قاقتىعىسىن تۋدىرسا، وندا ولار ونىمەن اينالىسا المايدى.

وسىلايشا، زاڭدا مەملەكەتتىك قىزمەتشىلەرگە كاسىپكەرلىك قىزمەتپەن اينالىسۋعا تىيىم سالۋدى الىپ تاستاۋ تۋرالى ەشقانداي ءسوز جوق. دەمەك، بۇل شەكتەۋلەر بۇرىنعىداي ارەكەت ەتۋدى جالعاستىرا بەرەدى. كاسىپكەرلىك قىزمەتپەن اينالىسۋعا تىيىم سالۋ ۇلتتىق حولدينگتەردىڭ، ۇلتتىق كومپانيالاردىڭ، ۇلتتىق جانە ايماقتىق دامۋ ينستيتۋتتارىنىڭ، سونداي-اق ولاردىڭ ەنشىلەس ۇيىمدارىنىڭ باسشىلارىنا قاتىستى دا ءارى قاراي قولدانىلاتىن بولادى.

زاڭنىڭ اتاۋى - «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى كونستيتۋتسيالىق سوتىنىڭ شەشىمدەرىن ورىنداۋ جانە زاڭسىز يەمدەنىلگەن اكتيۆتەردى مەملەكەتكە قايتارۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى».

Abai.kz