قازاقستان رەسپۋبليكاسى پرەمەر-ءمينيسترىنىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ قاراعاندى وبلىسىنا جۇمىس ساپارىمەن باردى.

تسيفرلاندىرۋ جانە جاساندى ينتەللەكت جىلى اياسىندا 2026 جىلعا ارنالعان تسيفرلىق ترانسفورماتسيانىڭ باسىم باعىتتارىن ايقىنداۋ بويىنشا وڭىرلەرمەن جۇيەلى جۇمىس جالعاسىپ جاتىر. اكىمدىكتەرمەن جانە جەرگىلىكتى سالالىق ۇيىمدارمەن بىرلەسىپ، تسيفرلىق دامۋ جوسپارلارى مەن جاساندى ينتەللەكت شەشىمدەرىن ەنگىزۋگە دايىندىق دەڭگەيىنە سالىستىرمالى تالداۋ جۇرگىزىلۋدە.

سۋرەت: gov.kz سايتىنان الىندى.

قاراعاندى قالاسىندا وبلىس باسشىلىعى جانە سالالىق قىزمەتتەرمەن كەزدەسۋ ءوتتى. كەزدەسۋ بارىسىندا وڭىردەگى تسيفرلىق ترانسفورماتسيانىڭ سەرپىنى، IT-يندۋستريانىڭ دامۋى، سونداي-اق جاساندى ينتەللەكتىگە نەگىزدەلگەن شەشىمدەردى ەكونوميكا مەن مەملەكەتتىك باسقارۋ جۇيەسىنە ەنگىزۋ ماسەلەلەرى تالقىلاندى.

سۋرەت: gov.kz سايتىنان الىندى.

تالقىلاۋدىڭ نەگىزگى باعىتتارى تەلەكوممۋنيكاتسيالىق ينفراقۇرىلىم مەن كيبەرقاۋىپسىزدىكتى دامىتۋ، وڭىرلىك IT-حابتاردىڭ الەۋەتىن ارتتىرۋ، حالىققا قىزمەت كورسەتۋ تسيفرلىق كەڭسەلەرىن ترانسفورماتسيالاۋ، Smart City جوبالارىن جۇزەگە اسىرۋ، سونداي-اق ەكونوميكانىڭ ناقتى سەكتورىن تسيفرلاندىرۋ بولدى.

ءاربىر اتالعان باعىت بويىنشا وڭىرلىك ەرەكشەلىكتەر مەن نىسانالى كورسەتكىشتەردى ەسكەرە وتىرىپ، ولاردى ودان ءارى دامىتۋعا ارنالعان ۇسىنىستار مەن تاسىلدەر تانىستىرىلدى.

سۋرەت: gov.kz سايتىنان الىندى.

وڭىردە قوعامدىق قاۋىپسىزدىك، كولىك، قالالىق ينفراقۇرىلىم جانە دەرەكتەردى باسقارۋ سالالارىندا تسيفرلىق جۇيەلەر ناقتى ۋاقىت جاعدايىندا جۇمىس ىستەيدى. ۆيتسە-پرەمەر قولدانىستاعى تسيفرلىق جۇيەلەردىڭ قىزمەتىمەن تانىستى. ولاردىڭ كۇندەلىكتى تاجىريبەدەگى تيىمدىلىگى باعالانىپ، ءالسىز تۇستارى انىقتالىپ، كۇشەيتۋ شارالارى بەلگىلەندى.

كەزدەسۋ قورىتىندىسى بويىنشا ازاماتتار ءۇشىن ىڭعايلى، بيزنەس ءۇشىن ءتيىمدى بولعانى جانە ۇردىستەردىڭ اشىقتىعى باسىمدىققا الىنا وتىرىپ، 2026 جىلعا ارنالعان جوسپارعا ەنگىزىلەتىن ناقتى مىندەتتەر مەن ۇسىنىستار تىزبەگى جاساقتالدى.

سۋرەت: gov.kz سايتىنان الىندى.

Abai.kz