پرەزيدەنت قاسىم-جومارت توقاەۆ ۇلتتىق قۇرىلتايدا ۆيتسە-پرەزيدەنت قىزمەتىن ەنگىزۋدى ۇسىندى. سونىمەن قاتار ونىڭ مىندەتتەرىن دە قىسقاشا اتاپ ءوتتى، دەپ حابارلايدى Qaz365.kz.

جاڭا قىزمەت كونستيتۋتسيادا بەكىتىلەدى. ۆيتسە-پرەزيدەنتتى پرەزيدەنت پارلامەنتتىڭ كەلىسىمىمەن تاعايىندايدى. ال ونىڭ وكىلەتتىگى مەن اتقاراتىن جۇمىسى مەملەكەت باسشىسى ارقىلى ايقىندالادى.

ۆيتسە-پرەزيدەنتتىڭ نەگىزگى مىندەتتەرى مىنالار بولماق:

قازاقستاندى حالىقارالىق فورۋمدار مەن كەلىسسوزدەردە تانىستىرۋ;

شەتەلدىك دەلەگاتسيالارمەن كەزدەسىپ، رەسمي كەلىسسوزدەر جۇرگىزۋ;

پارلامەنتتە پرەزيدەنتتىڭ اتىنان ءسوز سويلەۋ;

ىشكى جانە سىرتقى قوعامدىق، ساياسي، عىلىمي ۇيىمدارمەن بايلانىس ورناتۋ;

پرەزيدەنت جۇكتەيتىن وزگە دە تاپسىرمالاردى ورىنداۋ.

وسى وزگەرىستەرگە بايلانىستى بىرقاتار قۇرىلىمدار الىنىپ تاستالادى. اتاپ ايتقاندا، مەملەكەتتىك كەڭەسشى لاۋازىمى جويىلادى، پارلامەنت اپپاراتى مەن پرەزيدەنت اكىمشىلىگىنىڭ كەيبىر بولىمدەرىنىڭ قىزمەتى قايتا قارالادى.
پرەزيدەنتتىڭ ايتۋىنشا، بۇل باستاما باسقارۋ جۇيەسىن ىقشامداپ، شەشىم قابىلداۋدى جەدەلدەتۋگە باعىتتالعان.

Abai.kz