قازاقستان اۋماعىندا زاڭسىز قۇمار ويىن قىزمەتىن ۇيىمداستىرۋ فاكتىسى انىقتالدى، ونىڭ نەگىزىندە «bingo37.pro» ونلاين-پلاتفورماسى پايدالانىلعانى بەلگىلى بولدى. 

قارجىلىق مونيتورينگ اگەنتتىگىنىڭ مالىمەتىنشە، بۇل سەرۆيس مىڭنان استام ويىن تۇرىنە، سونىڭ ىشىندە «Crazy Monkey»، «Keno»، «Euro Game» سياقتى تانىمال ويىندارعا قولجەتىمدىلىك ۇسىنعان. ويىنشىلاردى تارتۋ Telegram جانە WhatsApp مەسسەندجەرلەرى ارقىلى جۇرگىزىلىپ، جارنامالىق ماتەريالدار مەن بونۋستىق باعدارلامالار ارقىلى جەڭىل ۇتىسقا قول جەتكىزۋگە مۇمكىندىك بەرىلەتىنى تۋرالى حابارلانعان.

قارجى اعىندارىن جاسىرۋ ماقساتىندا گرۋزيا مەن تاجىكستان ازاماتتارى – دروپەرلەر تارتىلعان. ولار قازاقستانعا كەلىپ، بانك شوتتارى مەن ابونەنتتىك نومىرلەردى تىركەپ، كەيىن ولاردى پايدالانباي، پلاتفورمانى ۇيىمداستىرۋشىلارعا بەرگەن. وسى شوتتار ارقىلى 3,1 ملرد تەڭگەدەن استام قاراجات تۇسكەنى انىقتالدى. بۇل سحەمانىڭ قولدانىلۋى قارجىلىق باقىلاۋ مەن زاڭدى تەكسەرۋلەردى قيىنداتقان.

قىلمىستىق ءىس اياسىندا 2025 جىلدىڭ تامىزىندا ۇيىمداستىرۋشى باحتيار وگلى ر-عا حالىقارالىق ىزدەۋ جاريالانىپ، سوت سىرتتاي قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاعان. 2026 جىلدىڭ قاڭتارىندا ول گرۋزيا اۋماعىندا ۇستالىپ، قازاقستانعا ەكستراديتسيالاندى. سونىمەن قاتار ەكى اۆتوكولىك – PORSCHE CAYENNE جانە LEXUS GX 460 – مەملەكەت كىرىسىنە تاركىلەندى.

تەرگەۋ جۇمىستارى ءالى جالعاسىپ جاتىر.

قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

Abai.kz