23 اقپاندا تۇندە ماسكەۋدە جارىلىستان ءبىر پوليتسەي قازا بولدى. بۇل جونىندە Baza تەلەگرام-ارناسى حابارلادى. اقپاراتتى كەيىن رەسەي ىشكى ىستەر مينيسترلىگى مەن تەرگەۋ كوميتەتى راستادى. كەيىنگى اقپاراتقا قاراعاندا، جارىلىستى ۇيىمداستىرعان ادام دا ولگەن. تاعى ەكى پوليتسەي جارالانعان.

جارىلىس ماسكەۋدىڭ ساۆەلەۆ ۆوكزالىندا بولعان. بەلگىسىز ءبىر ادام جارىلعان زاتتى پوليتسيانىڭ كولىگىنە لاقتىرعان، ول ءوزىنىڭ ارەكەتىن ۆيدەوعا تۇسىرگەن. كەي اقپاراتقا قاراعاندا، ول جاسىرىنىپ قالعان بولۋى مۇمكىن. الايدا كەيىن تەرگەۋ كوميتەتى ونىڭ جارىلىس كەزىندە قازا بولعانىن حابارلادى.

ىشكى ىستەر مينيسترلىگىنە سۇيەنگەن تاسس اگەنتتىگى ماسكەۋدىڭ ساۆەلەۆ ۆوزكالى اۋماعىندا بەلگىسىز زات جارىلىپ، سونىڭ سالدارىنان جول پاترۋلدىك قىزمەتىنىڭ قىزمەتكەرى قازا بولعانىن راستادى. تاعى ەكى پوليتسەي جارالانعان. جارىلعىش زاتتىڭ ءتۇرى مەن شابۋىلداۋشىنىڭ اتى-ءجونى حابارلانعان جوق.

Abai.kz