يادرولىق سوعىس: قىتاي رەسەيگە ۋلتيماتۋم قويدى مa?
بەيجىڭ مەن ماسكەۋ اراسىنداعى «شەكسىز دوستىققا» سىزات ءتۇستى مە؟ ۋكراينا پرەزيدەنتى ۆلاديمير زەلەنسكي تۇركيادا وتكەن ناتو سامميتىنەن كەيىن الەمدى ەلەڭ ەتكىزگەن مالىمدەمە جاسادى.
ونىڭ ايتۋىنشا، قىتاي بيلىگى تاريحتا تۇڭعىش رەت كرەملدىڭ يادرولىق قارۋدى قولدانۋ ىقتيمالدىعى تۋرالى ريتوريكاسىنا اسا قاتال ءارى ءۇزىلدى-كەسىلدى — ءۋلتيماتيۆتى تۇردە جاۋاپ قايتارعان.
زەلەنسكي نە دەدى؟
ەۋروپا ليدەرلەرىنە سىلتەمە جاساعان ۋكراينا باسشىسى بەيجىڭنىڭ پوزيتسياسىن بىلاي جەتكىزدى: «ماعان ەۋروپالىق جەتەكشىلەردىڭ ايتۋىنشا، قىتاي العاش رەت وتە ناقتى ءارى قاتال، ءتىپتى ۋلتيماتۋم تۇرىندە ەسكەرتۋ جاساعان: يادرولىق قارۋدى قولدانۋ تۋرالى ءسوز قوزعاۋدىڭ وزىنە جول بەرىلمەيدى!»
شيەلەنىستىڭ توركىنى قايدا جاتىر؟ بۇل رەاكتسيا ماسكەۋ مەن مينسكىنىڭ مامىر ايىندا بەلارۋس اۋماعىندا بىرلەسىپ وتكىزگەن، جەرۇستى، اۋە جانە سۋاستى تاسىمالداۋشىلارى جۇمىلدىرىلعان يادرولىق جاتتىعۋلارىنان كەيىن تۋىنداپ وتىر. ۆلاديمير پۋتين مەن الەكساندر لۋكاشەنكونىڭ بۇل دەمونستراتسيالىق قادامى باتىستى عانا ەمەس، بەيجىڭدى دە قاتتى شامداندىرعان سىڭايلى.
ترامپپەن نە تالقىلاندى؟
ۆلاديمير زەلەنسكي ناتو الاڭىندا اقش پرەزيدەنتى دونالد ترامپپەن دە كەزدەسىپ، قىتايدىڭ بۇل سوعىستاعى ءرولى مەن ىقتيمال كەلىسسوزدەر پروتسەسىنە ىقپالىن تالقىلاعان. بىراق بۇل اڭگىمەنىڭ ەگجەي-تەگجەيى ازىرگە قۇپيا ساقتالۋدا.
شىعىستاعى الىپ كورشىنىڭ بۇل قادامى رەسەي-ۋكراينا سوعىسىنىڭ باعىتىن وزگەرتە الا ما؟ كرەمل بەيجىڭنىڭ ۋلتيماتۋمىنا قۇلاق اسا ما، الدە تەكەتىرەس ۋشىعا تۇسە مە؟
Abai.kz
