مەملەكەتكە قايتارىلعان قارجى – حالىق يگىلىگىنە
الماتى وبلىسىندا پروكۋراتۋرا ورگاندارى مەملەكەتكە قايتارعان قاراجاتتى الەۋمەتتىك نىسانداردىڭ قۇرىلىسىنا باعىتتادى.
كەگەن اۋدانىنىڭ العاباس اۋىلىندا زاڭسىز يەلەنىلگەن اكتيۆتەردى قايتارۋ جۇمىستارى اياسىندا مەملەكەتكە قايتارىلعان قاراجات ەسەبىنەن جاڭا مەديتسينالىق پۋنكت پايدالانۋعا بەرىلدى.
سالتاناتتى اشىلۋ راسىمىنە كەگەن اۋدانىنىڭ اكىمى مەن پروكۋرورى قاتىستى.
مەديتسينالىق پۋنكت اۋىلدىڭ شامامەن 500 تۇرعىنىنا قىزمەت كورسەتۋگە ارنالعان جانە العاشقى مەديتسينالىق كومەككە قولجەتىمدىلىكتى قامتاماسىز ەتىپ، اۋىلدىڭ الەۋمەتتىك ينفراقۇرىلىمىن دامىتۋعا ۇلەس قوسادى.
جوبانىڭ ىسكە اسىرىلۋى پروكۋراتۋرا ورگاندارى جۇمىسىنىڭ تيىمدىلىگىن جانە مەملەكەتكە قايتارىلعان قاراجاتتىڭ حالىق يگىلىگى ءۇشىن ماقساتتى تۇردە جۇمسالىپ جاتقانىن ايقىن كورسەتەدى.
Abai.kz
