27 اقپان 2026 جىلى اكادەميك ە.ا. بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتى بازاسىندا «رەفەرەندۋم – ادىلەتتى جانە پروگرەسسيۆتى قازاقستاننىڭ نەگىزى» اتتى كونفەرەنتسيا ءوتتى. ءىس-شاراعا ۋنيۆەرسيتەت باسشىلىعى، پروفەسسورلىق-وقىتۋشىلىق قۇرام، كۋراتورلار مەن ستۋدەنتتەر قاتىستى.

كەزدەسۋ بارىسىندا رەفەرەندۋمنىڭ قوعام ومىرىندەگى ءرولى، كونستيتۋتسياعا ەنگىزىلگەن وزگەرىستەردىڭ مازمۇنى جانە ولاردىڭ ەل دامۋىنا ىقپالى كەڭىنەن تالقىلاندى. كونفەرەنتسيا اشىق ديالوگ فورماتىندا ءوتىپ، قاتىسۋشىلار ءوز پىكىرلەرىن ءبىلدىرىپ، وزەكتى سۇراقتارعا جاۋاپ الدى.

(سۋرەت: قاراعاندى وبلىسى اكىمدىگىنەن الىندى)

باسقارما مۇشەسى، الەۋمەتتىك-مادەني دامۋ جونىندەگى پرورەكتور جەتپىسباەۆ نۇرجان ارعىنۇلى رەفەرەندۋمنىڭ ساياسي جۇيەنى جاڭعىرتۋداعى ماڭىزىن اتاپ ءوتىپ، كونستيتۋتسيالىق رەفورمالاردىڭ ادىلەتتى قوعام قالىپتاستىرۋداعى رولىنە توقتالدى. سونىمەن قاتار جاستاردىڭ قوعامدىق-ساياسي ۇدەرىستەرگە بەلسەندى قاتىسۋىنىڭ ماڭىزدىلىعى ەرەكشە ايتىلدى.

(سۋرەت: قاراعاندى وبلىسى اكىمدىگىنەن الىندى)

شارا بارىسىندا سىبايلاس جەمقورلىققا قارسى كومپلاەنس-قىزمەتىنىڭ باسشىسى ۆاسيلي يۆانوۆيچ ولەينيك، رەفەرەندۋم بويىنشا قالالىق كواليتسيا مۇشەسى بەكتاس باقىتۇلى جۇمان، الەۋمەتتىك ماسەلەلەر جانە جاستار ساياساتى دەپارتامەنتىنىڭ مامانى اقەركە نۇرلىبەكقىزى، ستۋدەنتتىك پارلامەنت دەپۋتاتى ارۋجان نۇرايدارقىزى يلەس جانە تاريح عىلىمدارىنىڭ كانديداتى، دوتسەنت سالاۆات قامشىبايۇلى كەنتبەك بايانداما جاساپ، ءوز كوزقاراستارىمەن ءبولىستى.

(سۋرەت: قاراعاندى وبلىسى اكىمدىگىنەن الىندى)

كونفەرەنتسيا اياسىندا رەفەرەندۋمنىڭ دەموكراتيالىق قۇندىلىقتاردى نىعايتۋداعى ورنى مەن ازاماتتىق قوعامدى دامىتۋداعى ماڭىزى اتاپ ءوتىلدى. قاتىسۋشىلار جاستاردىڭ قۇقىقتىق مادەنيەتىن ارتتىرۋ جانە ەل بولاشاعىنا جاۋاپكەرشىلىكپەن قاراۋ ماسەلەلەرىنە ەرەكشە نازار اۋداردى.

ءىس-شارا قورىتىندىسىندا جاڭا كونستيتۋتسيانىڭ ءمانى مەن مازمۇنىن كەڭىنەن ءتۇسىندىرۋ جۇمىستارى جالعاساتىنى ايتىلدى.

Abai.kz