قازاقستان ەكونوميكاسىندا جيناقتالعان تىكەلەي شەتەل ينۆەستيتسياسىنىڭ  كولەمى 2024 جىلى 151,3 ملرد دوللار بولعان. بىرىككەن ۇلتتار ۇيىمى ساۋدا جانە دامۋ جونىندەگى كونفەرەنتسياسىنىڭ «الەمدىك ينۆەستيتسيالار تۋرالى» بايانداماسىندا وسىنداي دەرەك ايتىلعان.

ورتالىق ازياداعى 4 كورشى مەملەكەتتىڭ جيىنتىق ءجىو 2024 جىلى شامامەن 215 ملرد دوللار بولعان. ال ەكونوميكادا جيناقتالعان تىكەلەي شەتەل ينۆەستيتسياسىنىڭ كولەمى 69,3 ملرد دوللارعا جەتكەن. سالىستىرساق، ءتورت ەلدىڭ ەكونوميكاسىن بىرگە العاننىڭ وزىندە، جيناقتالعان شەتەل كاپيتالى قازاقستانداعى كورسەتكىشتەن ەكى ەسەدەن استام تومەن بولىپ شىعادى. باسقاشا ايتساق، ورتالىق ازيادا جۇمىس ىستەپ تۇرعان شەتەلدىك ينۆەستيتسيانىڭ 68,6 پايىزى قازاقستاندا شوعىرلانعان.

Abai.kz