كوكسۋ اۋدانىنا قاراستى 10 جىلدىق قازاقستان اۋىلىندا رەسپۋبليكالىق رەفەرەندۋم كۇنى ەرەكشە بەلسەندىلىك بايقالدى. №264 سايلاۋ ۋچاسكەسىندە اۋىل تۇرعىندارى ءبىر مەزەتتە جاپپاي داۋىس بەرۋگە كەلىپ، ءوز ازاماتتىق ۇستانىمدارىن ءبىلدىردى.

اتاپ ايتقاندا، «10 جىل قازاقستان» اۋىلىنىڭ 200-گە جۋىق تۇرعىنى ۇيىمداسقان تۇردە سايلاۋ ۋچاسكەسىنە كەلىپ، رەفەرەندۋمعا قاتىستى. تۇرعىنداردىڭ مۇنداي بەلسەندىلىگى اۋىل حالقىنىڭ ەل بولاشاعىنا بەيجاي قارامايتىنىن كورسەتتى.

داۋىس بەرۋ بارىسىندا بارلىق تالاپتار ساقتالىپ، ۋچاسكە كوميسسياسى تاراپىنان قاجەتتى ۇيىمداستىرۋ جۇمىستارى جۇرگىزىلدى. سايلاۋشىلار تىركەۋدەن ءوتىپ، بيۋللەتەن الىپ، ءوز تاڭداۋلارىن جاسادى.

اۋىل تۇرعىندارىنىڭ ايتۋىنشا، رەفەرەندۋم – ەل دامۋىنا قاتىستى ماڭىزدى قادام. سوندىقتان ءاربىر ازامات ءوز داۋىسىن بەرىپ، ەل تاعدىرىنا قاتىستى شەشىمدەرگە قاتىسۋى قاجەت.

جالپى، №264 سايلاۋ ۋچاسكەسىندە داۋىس بەرۋ پروتسەسى اشىق ءارى ۇيىمداسقان تۇردە ءوتىپ، تۇرعىندار بەلسەندى قاتىسۋدا.

Abai.kz