كۇدىكتىنىڭ اتىنا تىركەلگەن اڭشىلىق مىلتىق تاركىلەندى.

قوستاناي قالاسىندا 37 جاستاعى ايەلدىڭ ولىمىنە بايلانىستى قىلمىستىق ءىس قوزعالدى. كۇدىكتى رەتىندە ونىڭ بۇرىنعى كۇيەۋى تانىلىپ وتىر. ول وقيعا بولعاننان كەيىن ءوز ەركىمەن پوليتسياعا كەلىپ، كىناسىن مويىنداعان.

قايعىلى وقيعا وبلىس ورتالىعىنىڭ ىقشاماۋداندارىنىڭ بىرىندە بولعان. الەۋمەتتىك جەلىلەردە تاراعان اقپاراتقا سايكەس، ەر ادام مەملەكەتتىك قۇرىلىمداردىڭ بىرىندە قاۋىپسىزدىك سالاسىندا جۇمىس ىستەگەن بولۋى مۇمكىن.

قىلمىستى جاساعاننان كەيىن ول ءوزى پوليتسيا بولىمىنە بارىپ، بولعان جاعداي تۋرالى حابارلاعان.

قوستاناي وبلىسى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، كۇدىكتى ۋاقىتشا ۇستاۋ يزولياتورىنا قامالعان.

"الدىن الا دەرەكتەر بويىنشا، ايەل تۇرمىستىق جانجال بارىسىندا العان وق جاراقاتىنان كوز جۇمعان", – دەپ ناقتىلادى ۆەدومستۆو وكىلدەرى.

قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ-وپەراتيۆتىك شارالار جۇرگىزىلىپ جاتىر.

Abai.kz