مەملەكەت باسشىسى عىلىمي قوعامداستىق وكىلدەرىمەن كەزدەسىپ، عىلىم سالاسىنداعى جەتىستىكتەر مەن ماسەلەلەر تۋرالى ايتتى.

مەملەكەت باسشىسى: «ءبىز ادام كاپيتالىنىڭ ساپاسىن ارتتىرۋ ءۇشىن قولدان كەلگەننىڭ ءبارىن جاساۋىمىز قاجەت. ەلىمىزدىڭ عىلىمي جانە اكادەميالىق قاۋىمداستىعىنىڭ بارلىق وكىلىنە قاراتا ايتقىم كەلەدى. قازاقستاننىڭ ەرتەڭى قانداي بولادى، قانشالىقتى جاڭاشىل ءارى وزىق ەلگە اينالا الامىز؟ بۇل سىزدەردىڭ يدەيالارىڭىزعا، زەرتتەۋلەرىڭىزگە، جۇمىستارىڭىزدىڭ ناتيجەسىنە، اشقان جاڭالىقتارىڭىزعا تىكەلەي بايلانىستى. بارشامىز كۇش جۇمىلدىرا وتىرىپ، قازاقستاندى ەۋرازياداعى جەتەكشى عىلىمي جانە تەحنولوگيالىق ورتالىققا اينالدىرا الاتىنىمىزعا سەنەمىن», - دەدى.

Abai.kz