ۇلىستىڭ ۇلى كۇنى قۇرمەتىنە الماتى قالاسى اكىمدىگىنىڭ مادەنيەت باسقارماسى «استانا الاڭى» ساحناسىندا ناۋرىز مەرەكەسىنە ارنالعان «ار ما، ءاز ناۋرىز!» اتتى ءداستۇرلى  مۋزىكا كونتسەرتىن وتكىزدى.

قازاقتىڭ عاسىرلار تەزىنەن ءوتىپ، بۇگىنگى كۇنگە جۇلگەسى ۇزىلمەي جەتىپ وتىرعان مول رۋحاني مۇراسىنىڭ قوماقتى بولىگى – ءداستۇرلى مۋزىكاسى. 

ءداستۇرلى مۋزىكا – ۇلتتىڭ جانىن وياتىپ، رۋحىن اسقاقتاتىپ، حالىقتىڭ دانالىق قويماسىنىڭ قازىناسىنا جول اشادى، ەلدىڭ رۋحى مەن زەيىنىن ۇشتايدى. 

ۇلتىمىزدىڭ التىن ارقاۋىنداي ءداستۇرلى ءان اۋەلەگەن كونتسەرتكە ساۋلە جانپەيىسوۆا، ايگۇل قوسانوۆا، شولپان دارجانوۆا، ارداق يساتاەۆا، ءشابا ادەنقۇلقىزى، جەڭىس ەرجانوۆ، عاريفا يگىسىنوۆا، تالعات ابۋعازى، سايات نۇرعازين، دياس مۇراتحان سياقتى ءداستۇرلى انشىلەر مەن «سازگەن سازى» ەتنوگرافيالىق-فولكلورلىق ءانسامبلى قاتىستى.

Abai.kz