2026 جىلعى ناۋرىزدا ايلىق ينفلياتسيا دەڭگەيى 0,6% قۇرادى، اقپانمەن سالىستىرعاندا باعانىڭ ءوسۋ قارقىنى 0,5% تارماققا باياۋلادى. باعا ءوسىمىنىڭ باياۋلاۋى بارلىق قۇرامداس بولىكتەردە دە بايقالدى: ازىق- تۇلىك تاۋارلارىنىڭ باعاسى 0,7%، اقىلى قىزمەتتەر – 0,6%، ازىق-تۇلىككە جاتپايتىن تاۋارلار 0,5% ءوستى. 

ازىق-تۇلىك اراسىندا ءبىر اي ىشىندە باعا قيارعا – 22,6%، پيازعا – 10,9%، قىزاناققا – 2,6%، قىرىققاباتقا – 1,9%، قاراقۇمىق جارماسىنا – 1,2%، شوكولادقا بوككەن كامپيتتەرگە – 0,9% تومەندەدى. بۇل ورايدا باعا ءتاتتى بۇرىشقا – 10,7%، بانانعا – 5,4%، قىزىلشا مەن سابىزگە – 4,2%-دان، مايلىلىعى 2-3% ايرانعا – 2,3%، بالعا – 1,8%، قانتتى پەچەنە مەن سيىر باۋىرىنا – ارقايسى 1,3%-دان وسكەن.

ازىق-تۇلىككە جاتپايتىن تاۋارلار اراسىندا شاڭسورعىش باعاسى 8,2%، ۇتىك – 7,7%، سمارتفون – 2,7%، اۆتوموبيلدەر – 2,3%، ايەلدەر سومكەسى – 2,1% تومەندەگەن. باعانىڭ ءوسۋى التىن ساقينا، اس ءۇي پەشى – 5,5%، تەلەديدار – 4,1%، سىمسىز قۇلاققاپتار – 2,2, كورۆالول – 1,7%، قولعا جاعاتىن كرەم – 1,4%، تسەمەنتكە – 1,3% بايقالدى. قىزمەتتەر اراسىندا باسسەينگە بارۋ (ابونەمەنت) باعاسى 3,3%، ەلەكتريك قىزمەتتەرى – 2,1%، كاريەستى ەمدەۋ – 1,6%، قالاارالىق اۆتوبۋستا جول ءجۇرۋ – 1,1%، اۆتومەكتەپتە وقۋ كۋرستارى 0,8% وسكەن.

جىلدىق ينفلياتسيا ءمانى 2026 جىلدىڭ ناۋرىزىندا 11% قۇرادى جانە اقپانمەن سالىستىرعاندا 0,7 پايىزدىق تارماققا باياۋلادى. ازىق-تۇلىك تاۋارلارىنىڭ باعاسى 11,7%، ازىق-تۇلىك ەمەس تاۋارلار – 11,3%، اقىلى قىزمەتتەر – 10% وسكەن. جىلدىق ماندە قيار باعاسى 40,9%، قىزاناق 16,5%، باكلاجان 14,8%، كۇرىش 5% ارزانداعان. كەرىسىنشە ءبىر جىل ىشىندە الما 13,5%، سۇلى 12,9%، كەسپە 12%، قارا شاي 6,7% قىمباتتاعان.

2025 جىلدىڭ ناۋرىزىمەن سالىستىرعاندا سۋسابىننىڭ باعاسى 13,9%، كىر سابىن – 7,3%، جايما داستارحان – 6,5%، تۇسقاعاز – 3,3%، بولمە وسىمدىكتەرى – 3,2% وسكەن. قىزمەتتەر اراسىندا سالەمدەمەلەردى جەتكىزۋ بويىنشا كۋرەر قىزمەتىنىڭ باعاسى 14,3%، مەرەكەلەردى ۇيىمداستىرۋ بويىنشا قىزمەتتەر – 10,8%، تەلەديداردى جوندەۋ – 7%، بالالاردى دامىتۋ ورتالىقتارىنىڭ قىزمەتتەرى – 6,9% قىمباتتاعان.

ينفلياتسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋلار قىزمەتتەر مەن تاۋارلاردىڭ تاريفتەرى مەن باعالارى – بارلىعى 537 پوزيتسيا بويىنشا جۇرگىزىلەدى. ينفلياتسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.

*2026 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–تۇلىك تاۋارلارىنىڭ ۇلەسى – 41,1%، ازىق-تۇلىك ەمەس تاۋارلار – 28,4%، اقىلى قىزمەتتەر 30,5% قۇرادى.

Abai.kz