سالىق بەرەشەگىنىڭ مولشەرى 27 000 اەك-تەن اسىپ، بەرەشەك تۋىنداعان كۇننەن باستاپ ءۇش ايدان استام ۋاقىت وتەلمەگەن بولسا، قازاقستان رەسپۋبليكاسىنان شىعۋعا ۋاقىتشا شەكتەۋ قويىلادى.

2026 جىلعى 1 قاڭتاردان باستاپ سالىق بەرەشەگىن ماجبۇرلەپ ءوندىرىپ الۋ تاسىلدەرى وزگەرتىلدى. بۇرىن تاۋەكەلدەردى باسقارۋ جۇيەسىن ەسكەرە وتىرىپ، بەرەشەك مولشەرى 1 تەڭگەدەن باستالعان جاعدايدا ءوندىرىپ الۋ شارالارى قولدانىلۋى مۇمكىن بولسا، ەندى سارالانعان ءتاسىل ەنگىزىلدى. بۇل شارالاردىڭ سالىق بەرەشەگىنىڭ مولشەرىنە قاراي قولدانىلاتىنىن بىلدىرەدى.

بەرەشەك مولشەرى 20 اەك-تەن از بولعان جاعدايدا سالىق تولەۋشىگە بەرەشەكتىڭ بار ەكەندىگى تۋرالى حابارلاما جىبەرىلىپ، ءوسىمپۇل ەسەپتەلەدى. وزگە ءوندىرىپ الۋ شارالارى قولدانىلمايدى.

بەرەشەك مولشەرى 20 اەك-تەن 45 اەك-كە دەيىن بولعان جاعدايدا بەرەشەكتى وتەۋ تۋرالى حابارلاما جىبەرىلەدى، بانك شوتتارى مەن كاسسا بويىنشا شىعىس وپەراتسيالارى توقتاتىلا تۇرادى، سونداي-اق ينكاسسالىق وكىمدەر شىعارىلادى.

بەرەشەك مولشەرى 45 اەك-تەن اسقان جاعدايدا مۇلىكتى تىزىمدەۋ جانە وتكىزۋ، سونداي-اق دەبيتورلار ەسەبىنەن ءوندىرىپ الۋدى قوسا العاندا، زاڭنامادا كوزدەلگەن بارلىق ءوندىرىپ الۋ شارالارى قولدانىلادى.

سونىمەن قاتار، 2026 جىلعى 1 شىلدەدەن باستاپ سالىق كودەكسىنە قوسىمشا شارا – قازاقستان رەسپۋبليكاسىنان شىعۋدى ۋاقىتشا شەكتەۋ ەنگىزىلدى. اتالعان نورمانى ءىس جۇزىندە قولدانۋ 2026 جىلعى 1 قازاننان باستالدى.
بۇل شارا سالىق بەرەشەگى 27 000 اەك-تەن اسقان جانە تۋىنداعان كۇننەن باستاپ ءۇش ايدان استام ۋاقىت بويى وتەلمەگەن جاعدايدا قولدانىلۋى مۇمكىن.

شەكتەۋ دارا كاسىپكەرلەرگە، جەكە پراكتيكامەن اينالىساتىن ادامدارعا، سونداي-اق زاڭدى تۇلعالاردىڭ ءبىرىنشى باسشىلارىنا نەمەسە ولاردىڭ مىندەتتەرىن اتقاراتىن ادامدارعا قاتىستى قولدانىلادى.

قازاقستان رەسپۋبليكاسىنان شىعۋدى ۋاقىتشا شەكتەۋ تەك ءىرى مولشەردەگى بەرەشەك بولعان جاعدايدا جانە سوت سانكتسيالاعاننان كەيىن عانا قولدانىلاتىنىن اتاپ وتكەن ءجون. مەملەكەتتىك كىرىستەر ورگانى قاۋلى شىعارىپ، ونى سوتقا جولدايدى. سوت سانكتسياسىن العاننان كەيىن قاۋلى مەملەكەتتىك كىرىستەر ورگاندارىنىڭ اقپاراتتىق جۇيەسى ارقىلى زاڭنامادا بەلگىلەنگەن تارتىپپەن ورىنداۋ ءۇشىن ۋاكىلەتتى اقپاراتتىق جۇيەگە جىبەرىلەدى.

وزگەرىستەردىڭ نەگىزگى ماقساتى – مەملەكەت پەن بيزنەس مۇددەلەرىنىڭ تەڭگەرىمىن قامتاماسىز ەتۋ.

ءبىر جاعىنان، سالىق تولەۋشىلەردىڭ قىزمەتىن بەرەشەكتىڭ ەلەۋسىز سومالارىنا بايلانىستى بۇعاتتاۋعا جول بەرىلمەيدى. ەكىنشى جاعىنان، ءىرى مولشەردەگى جانە ۇزاق ۋاقىت بويى ورىندالماعان سالىق مىندەتتەمەلەرى بويىنشا جاۋاپكەرشىلىك كۇشەيتىلەدى.

جاڭا شارا سالىق بەرەشەگىن ءوندىرىپ الۋ تيىمدىلىگىن ارتتىرۋعا، سالىق تولەۋدەن جالتارۋ جاعدايلارىن ازايتۋعا جانە بيۋدجەتكە قاراجاتتىڭ ۋاقتىلى ءتۇسۋىن قامتاماسىز ەتۋگە باعىتتالعان.

كارجاۋباەۆ ءنۋراديل تيمۋرۇلى،

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ ءوندىرىپ الۋ ءبولىمىنىڭ ءبولىم باسشىسى

Abai.kz