ەلىمىز دۇنيەجۇزىندە تەك جەر كولەمى جاعىنان عانا ەمەس ەگىستىك القاپتارىنىڭ اۋماعى بويىنشا دا الدىڭعى قاتارلى مەملەكەتتەردىڭ ءبىرى. دۇنيەجۇزىلىك بانك پەن بىرىككەن ۇلتتار ۇيىمىنىڭ ازىق-تۇلىك جانە اۋىل شارۋاشىلىعى ۇيىمى دەرەگى بويىنشا، قازاقستان اۋىل شارۋاشىلىعىنا جارامدى جەر كولەمى بويىنشا الەمدە 6-ورىندا تۇر. بۇل تۋرالى اۋىل شارۋاشىلىعى مينيسترلىگىنىڭ حابارالدى. رەيتينگىنىڭ باسىن قىتاي باستاپ ءتۇر. كورشى ەلدە 5,2 ملن شارشى شاقىرىم جەر بار. ەگىن ەگىلەتىن القاپ بويىنشا اقش 4,2 ملن شارشى شاقىرىم جەرمەن ەكىنشى ورىندا تۇر. ۇزدىك ۇشتىكتە اۋستراليا تۇسىندەيدى. مۇندا اۋىل شارۋاشىلىعىنا جارامدى 3,6 ملن شارشى شاقىرىم القاپ بار. برازيليا 2,36 ملن، رەسەي 2,15 ملن شارشى شاقىرىم جەر ورنالاسقان. ال، ەلىمىزدە بۇل كورسەتكىش  2,14 ملن شارشى شاقىرىم.

كەستە

تاقىرىپ: ەگىستىك القاپتارىنىڭ اۋماعى

قىتاي – 5.2 ملن كم²

اقش – 4.21 ملن كم²

اۋستراليا – 3.63 ملن كم²

برازيليا – 2.36 ملن كم²

رەسەي – 2.15 ملن كم²

قازاقستان – 2.14 ملن كم²

ءۇندىستان – 1.78 ملن كم²

الەمدىك تاجىريبەدە ءار مەملەكەت وزىنە ءتيىمدى داقىلداردى وسىرۋگە تىرىسادى. ماسەلەن، اقش جۇگەرى وندىرىسىندە كوشباسشى بولسا، برازيليا سويا مەن قانت قامىسىن وسىرۋدە الدىڭعى ورىندا. ال اۋستراليا استىق جانە بيداي وندىرۋدە ءىرى ەكسپورتتاۋشىلاردىڭ ءبىرى سانالادى. ۆەدومستۆو وكىلدەرىنىڭ اقپاراتىن سايكەس، قازاقستان اتالعان ءۇردىستى ەسكەرە وتىرىپ، ەگىس القاپتارىنىڭ قۇرىلىمىن قايتا قاراپ جاتىر. ەلدە بيىل جالپى ەگىس كولەمى 23,8 ملن گەكتاردى قۇرايدى. بۇل وتكەن جىلمەن سالىستىرعاندا 180 مىڭ گەكتارعا ارتىق. اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا، وسى جىلدان باستاپ جوعارى تابىس اكەلەتىن داقىلدارعا باسىمدىق بەرىلەدى.

باسىمدىق جوعارى رەنتابەلدى، ياعني پايداسى كوپ داقىلدارعا بەرىلەدى، ولاردىڭ ەگىستىك القابى ۇلعايتىلادى. اتاپ ايتقاندا، مايلى داقىلدار ەگىستىك القابى 55 000 گەكتارعا، جەم-ءشوپ داقىلدارى 242 000 گەكتارعا، ارپا 94 000 گەكتارعا جانە ۇيىمداسقان شارۋاشىلىقتارداعى كارتوپ 10 300 گەكتارعا ۇلعايتۋىدى جوسپارالاپ وتىرمىز. سونىمەن قاتار، بيداي ەگىستىك القابى 125 000 گەكتارعا قىسقارىپ، 12,1 ميلليون گەكتاردى قۇرايدى»، - دەدى اۋىل شارۋاشىلىعى ءمينيسترى ايداربەك ساپاروۆ.

ياعني، الداعى ۋاقىتتا كۇنباعىس، زىعىر، مال ازىعىنا ارنالعان داقىلدار مەن ارپا كوبىرەك ەگىلەدى. كارتوپ كولەمى دە ارتادى. ال بيداي ءالى دە نەگىزگى داقىل بولىپ قالا بەرەدى، بىراق بۇرىنعىداي نەگىزگى باعىت رەتىندە قاراستىرىلمايدى. ساراپشىلاردىڭ پىكىرىنشە، بۇل قادام اگرارلىق سەكتوردىڭ تيىمدىلىگىن ارتتىرىپ، نارىقتاعى سۇرانىسقا بەيىمدەلۋگە مۇمكىندىك بەرەدى. ياعني، قازاقستان شيكىزاتتىق باعىتتان بىرتىندەپ تابىستى ءارى ارتاراپتاندىرىلعان اۋىل شارۋاشىلىعىنا كوشۋگە ۇمتىلىپ وتىر.

Abai.kz