الەۋمەتتىك جەلىدە اقتوبەلىك ەر ادامنىڭ ۇلتتىق اسپاپتىڭ ءبىرى دومبىرانى حارام دەگەن ۆيدەوسى تارادى. 

"حانافي ماسحابىندا شيىتتىك اسپاپتار، گيتارا، دومبىرا، بالالايكا حارام بولىپ ەسەپتەلەدى", - دەيدى ەر ادام. 

اقتوبە وبلىسى پوليتسيا دەپارتامەنتى جەرگىلىكتى تۇرعىنعا قاتىستى دىنيارازدىقتى قوزدىرۋ فاكتىسى بويىنشا قىلمىستىق ءىس قوزعادى.

تەرگەۋ دەرەكتەرىنە سايكەس، كۇدىكتى الەۋمەتتىك جەلىلەردە ءدىني نەگىزدەگى ارازدىق پەن وشپەندىلىكتى قوزدىرۋعا باعىتتالعان پىكىرلەر جاريالاعان. جەدەل-ىزدەستىرۋ ءىس-شارالارى بارىسىندا ونىڭ جەكە باسى انىقتالىپ، ۇستالدى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. سوت سانكتسياسىمەن وعان بۇلتارتپاۋ شاراسى رەتىندە قاماۋدا ۇستاۋ ءتۇرى تاڭدالدى. قىلمىستىق ىس بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە، وقيعانىڭ بارلىق مان-جايى انىقتالىپ جاتىر.

پوليتسيا الەۋمەتتىك، ۇلتتىق، رۋلىق، ناسىلدىك نەمەسە ءدىني ارازدىقتى قوزدىرۋ زاڭمەن قاتاڭ جاۋاپكەرشىلىككە اكەلەتىنىن ەسكەرتەدى.

قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعانۇلى الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ XXI وتىرىسىنىڭ كۋلۋارىندا دومبىرا حارام ەمەس ەكەنىن ايتىپ، دەسترۋكتيۆتى ءدىني اعىمداردىڭ الدىن الۋ ءۇشىن زاڭ كەرەگىن ايتقان بولاتىن.

Abai.kz