بۇگىن اقوردادا اۋىس-تۇيىستەر جاسالۋدا. مەملەكەت باسشىسى قاسىم-جومارت توقاەۆ پرەزيدەنتى اكىمشىلىگىنىڭ باسشىسىن اۋىستىردى.

بۇل قىزمەتتى وسىعان دەيىن اتقارىپ كەلگەن ايبەك دادەباي قىزمەتىنەن بوساتىلىپ، ورنىنا رومان سكليار تاعايىندالدى.

«مەملەكەت باسشىسىنىڭ جارلىعىمەن ايبەك ارقابايۇلى دادەباي باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگىنىڭ باسشىسى لاۋازىمىنان بوساتىلدى»، - دەپ جازىلعان پرەزيدەنت جارلىعىندا.

«مەملەكەت باسشىسىنىڭ جارلىعىمەن رومان ۆاسيلەۆيچ سكليار قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەپ جازىلعان پرەزيدەنت جارلىعىندا.

ايبەك دادەباي:

1980 جىلى 1 ساۋىردە الماتى قالاسىندا تۋعان.

2001 جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن تامامداعان; 2003 جىلى وسى ۋنيۆەرسيتەتتىڭ ماگيستراتۋراسىن اياقتاعان، ماگيستر-ايماقتانۋشى.

2001-2002 جىلدارى – قازاق حالىقارالىق قاتىناستار جانە الەم تىلدەرى ۋنيۆەرسيتەتى حالىقارالىق تۋريزم مەنەدجمەنتى كافەدراسىنىڭ وقىتۋشىسى بولىپ جۇمىس ىستەگەن;

2008-2011 جىلدارى – قازاقستان رەسپۋبليكاسى پارلامەنتى سەناتى اپپاراتىنىڭ پارلامەنتارالىق بايلانىستار جانە حالىقارالىق ىنتىماقتاستىق ءبولىمىنىڭ ساراپشىسى، قازاقستان رەسپۋبليكاسى پارلامەنتىنىڭ سەناتى توراعاسى كومەكشىسىنىڭ مىندەتىن اتقارۋشى;

2011-2013 جىلدارى – قازاقستان رەسپۋبليكاسىنىڭ بۇۇ-داعى تۇراقتى وكىلدىگىنىڭ ءۇشىنشى حاتشىسى، اتتاشە، جەنەۆا;

2013-2019 جىلدارى – قازاقستان رەسپۋبليكاسى پارلامەنتى سەناتى توراعاسىنىڭ حاتشىلىعى مەڭگەرۋشىسىنىڭ ورىنباسارى، مەڭگەرۋشىسى;

2019-2021 جىلدارى – قازاقستان رەسپۋبليكاسى پرەزيدەنتى كەڭسەسى باستىعىنىڭ ورىنباسارى;

2021 جىلعى مامىر – 2022 جىلعى قاڭتار ارالىعىندا قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىندا جۇمىس ىستەدى.

2022 جىلعى قاڭتاردان باستاپ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولدى.

2024 جىلعى 6 اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالعان.

ءىى سىنىپتى كەڭەسشى ديپلوماتيالىق دارەجەسى بار. «قۇرمەت» وردەنىمەن، «ەرەن ەڭبەگى ءۇشىن» مەدالىمەن ناگرادتالعان.

ال رومان سكليار:

1971 جىلى پاۆلودار قالاسىندا تۋعان.

ءبىلىمى: «ينجەنەر-قۇرىلىسشى» ماماندىعى بويىنشا پاۆلودار مەملەكەتتىك ۋنيۆەرسيتەتىن، «ەكونوميست» ماماندىعى بويىنشا ماسكەۋ قازىرگى زامان بيزنەس ينستيتۋتىن، «زاڭگەر» ماماندىعى بويىنشا قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن.

ەڭبەك جولىن 1989 جىلى «ەكيباستۋزۋگلەاۆتوماتيكا» مونتاجداۋ-جوندەۋ باسقارماسىندا سلەسار-مونتاجشى بولىپ باستاپ، كەيىن «ۆاحينۆەست» بك-دا تەحنيكالىق قاۋىپسىزدىك جونىندەگى ينجەنەر جانە كوممەرتسيالىق سالادا قىزمەت ەتكەن.

2002-2003 جىلدارى پاۆلودار وبلىستىق دارمەنسىز بورىشكەرلەرمەن جۇمىس جونىندەگى كوميتەتى باسقارماسىنىڭ ءبولىم باستىعى،

2003-2005 جج. پاۆلودار قالاسىندا مەملەكەتتىك ساتىپ الۋ باسقارماسىنىڭ باستىعى، پاۆلودار وبلىسى اكىمىنىڭ باس ينسپەكتورى بولىپ ەڭبەك ەتتى.

2005-2006 جج. پاۆلودار قالاسى اكىمىنىڭ ورىنباسارى، اپپارات جەتەكشىسى،

2006-2007 جج. استانا قالاسى اكىمى اپپاراتىنىڭ ينفراقۇرىلىمدى دامىتۋ ءبولىمىنىڭ مەڭگەرۋشىسى قىزمەتىن اتقارعان. ودان كەيىن استانا قالاسىنىڭ ەنەرگەتيكا جانە كوممۋنالدىق شارۋاشىلىق (باسقارما باسشىسى) دەپارتامەنتىنىڭ ديرەكتورى (10.2007-10.2008) بولدى.

2008 جىلعى قازان ايىنان 2010 جىلعى قاراشا ايىنا دەيىنگى مەرزىمدە پاۆلودار وبلىسى اكىمىنىڭ ورىنباسارى، پاۆلودار وبلىسى اكىمىنىڭ ءبىرىنشى ورىنباسارى لاۋازىمىندا قىزمەت ەتكەن.

2011 جىلعى 17 مامىردان 2013 جىلعى قازان ايىنا دەيىن قر كولىك جانە كوممۋنيكاتسيا ۆيتسە-ءمينيسترى،

2014-2016 جج. «قازاقستان تەمىر جولى» اق ۆيتسە-پرەزيدەنتى بولعان.

2016 جىلعى ناۋرىزدا «نۇر وتان» پارتياسىنان قر پارلامەنتى ءماجىلىسىنىڭ VI شاقىرىلىم دەپۋتاتى بولىپ سايلاندى، ەكونوميكالىق رەفورما جانە ايماقتى دامىتۋ كوميتەتىنىڭ توراعاسى قىزمەتىن اتقارعان.

2016 جىلعى مامىر ايىندا قر ۇلتتىق ەكونوميكا ۆيتسە-ءمينيسترى (05.2016-23.12.2016) بولدى.

2016 جىلعى 23 جەلتوقساندا قر ينۆەستيتسيالار جانە دامۋ ۆيتسە-ءمينيسترى قىزمەتىنە تاعايىندالعان.

2018-2019 جج. قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى.

2019 ج. اقپاننان باستاپ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى.

2019 جىلعى 25 اقپاننان باستاپ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى.

2019 جىلدىڭ قىركۇيەك ايىنان باستاپ قازاقستان رەسپۋبليكاسى پرەمەر-ءمينيسترىنىڭ ورىنباسارى

2021 جىلى 18 قاڭتاردا قر پرەزيدەنتىنىڭ جارلىعىمەن وسى قىزمەتىنە قايتا تاعايىندالعان.

2022 جىلعى 11 قاڭتاردا قر پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ تاعايىندالعان.

«قۇرمەت»، «پاراسات» وردەندەرى (2017 ج.) «استانانىڭ 10 جىلدىعى»، «قر تاۋەلسىزدىگىنىڭ 20 جىلدىعى»، «قازاقستان حالقى اسسامبلەياسىنىڭ قوعامدىق «بىرلىك» التىن مەدالى» مەرەيتويلىق مەدالدارىمەن ماراپاتتالعان.

Abai.kz