باقىلاۋ-كاسسالىق ماشينا 2.0.3 نۇسقاسىنا قوسىلۋ تالاپتارى
باقىلاۋ-كاسسالىق ماشينا 2.0.3 نۇسقاسى بويىنشا قوسىلۋ تالاپتارى جانە ۇلتتىق تاۋارلار كاتالوگىنا (ۇتك) قوسىمشا اقپارات...
قازاقستان رەسپۋبليكاسىندا سالىقتىق باقىلاۋدى جەتىلدىرۋ جانە ەسەپتىلىكتى تسيفرلاندىرۋ ماقساتىندا ەنگىزىلگەن باقىلاۋ-كاسسالىق ماشينا (بكم) 2.0.3 نۇسقاسى بارلىق بيزنەس سۋبەكتىلەرى ءۇشىن مىندەتتى بولىپ تابىلادى.
بۇل تالاپتار نەگىزدەلگەن: قر سالىق كودەكسىنىڭ 67-بابى، قر «تاۋار ساۋداسىن رەتتەۋ تۋرالى» زاڭى №215-VIII (2025), ساۋدا جانە ينتەگراتسيا ءمينيسترىنىڭ 232-نق جانە 284-نق بۇيرىقتارى.
بكم 2.0.3 نۇسقاسىنا كوشۋ كاسىپورىندارعا كاسسالىق وپەراتسيالاردى، ەلەكتروندىق شوت-فاكتۋرالار مەن ەسەپتىلىكتى دۇرىس جۇرگىزۋدى قامتاماسىز ەتەدى.
قر سالىق كودەكسى (67-باپ) – بكم قولدانۋ جانە سالىق ەسەپتىلىگىن جۇرگىزۋ ءتارتىبىن بەكىتەدى.
قر «تاۋار ساۋداسىن رەتتەۋ تۋرالى» زاڭى №215-VIII (2025) – تاۋارلاردى تىركەۋ، ساپاسىن باقىلاۋ، ساۋدا قاۋىپسىزدىگىن قامتاماسىز ەتۋ.
مينيسترلىكتىڭ 232-نق بۇيرىعى (2025) – ۇتك جۇرگىزۋ قاعيدالارىن بەكىتۋ.
مينيسترلىكتىڭ 284-نق بۇيرىعى (2025) – مودەراتسيا جانە تۇزەتۋ ەرەجەلەرى.
قوسىلۋ كەزەڭدەرى
1) 1 ناۋرىز 2026 – يمپورتتاۋشىلار جانە وتاندىق وندىرۋشىلەر
2) 1 ءساۋىر 2026 – ءىرى ساۋدا جەلىلەرى
3) 1 شىلدە 2026 – شاعىن جانە ميكروبيزنەس
2026 جىلعى 1 شىلدەدەن باستاپ بكم 2.0.3 نۇسقاسىن قولدانۋ مىندەتتى.
سىناق كەزەڭى: قاڭتار–شىلدە 2026.
1. ۇتك قوسىمشا اقپارات
- ۇلتتىق تاۋارلار كاتالوگى – بارلىق تاۋارلار ءۇشىن ورتالىق دەرەكقور، NTIN/GTIN كودتارى بار.
- تاۋار سيپاتتامالارى مەن باعالارى ەنگىزىلەدى.
- قر زاڭى بويىنشا دەرەكتەردى ەنگىزۋ ۇسىنىلادى.
- ۇتك ارقىلى دەرەكتەردىڭ دۇرىستىعى تەكسەرىلەدى، بكم دەرەكتەرىمەن سايكەستىك قامتاماسىز ەتىلەدى، ەلەكتروندىق ەسەپتىلىك ۇيلەسىمدى جۇرگىزىلەدى.
2. ۇسىنىلاتىن ءىس-شارالار
1) بكم 2.0.3 نۇسقاسىنا ۋاقىتىلى ءوتۋ
2) دەرەكتەردى فيسكالدىق وپەراتورعا تولىق جانە دۇرىس بەرۋ
3) NTIN/GTIN كودتارى مەن تاۋار اقپاراتتارىن ەنگىزۋ
4) قىزمەتكەرلەردى بكم جانە دەرەكتەردى ەنگىزۋ تارتىبىمەن تانىستىرۋ
5) ەلەكتروندىق ەسەپ بەرۋ جۇيەلەرىمەن ينتەگراتسيا جاساۋ
بكم 2.0.3 نۇسقاسىنا كوشۋ – سالىقتىق باقىلاۋدى جەتىلدىرۋ جانە تسيفرلاندىرۋ ساياساتىنىڭ ماڭىزدى بولىگى.
بوستاندىق اۋدانى بويىنشا مەملەكەتتىك كىرىستەر باسقارماسى، سالىق تولەۋشىلەرمەن جۇمىس ءبولىمى
Abai.kz
