اعىمداعى جىلدىڭ ءساۋىر ايىندا كۇرشىم اۋدانىنىڭ پروكۋراتۋراسى شقو بويىنشا ۇقكد جانە كۇرشىم ورمان شارۋاشىلىعىنىڭ قىزمەتكەرلەرىمەن بىرلەسىپ، مارالدى اۋىلدىق وكرۋگىنىڭ «كولشىلىك» ۋچاسكەسىندە رەيدتىك ءىس-شارالار جۇرگىزۋ بارىسىندا زاڭسىز التىن ءوندىرۋ فاكتىسىن انىقتادى. 

پايدالى قازبالاردى ءوندىرۋ اۋىر مامانداندىرىلعان تەحنيكا مەن سپۋتنيكتىك بايلانىس قۇرالدارىن قولدانۋ ارقىلى جۇزەگە اسىرىلعانى بەلگىلى بولدى.

قىلمىس ۇستىندە 4 ادام ۇستالدى، ونىڭ ىشىندە مەملەكەتىمىزدىڭ شىعىسىندا زاڭسىز جۇرگەن وزبەكستان رەسپۋبليكاسىنىڭ ازاماتىدا بار. شىنجىر تاباندى ەكسكاۆاتور، اۆتوكولىك، موتوتسيكل، قىمبات تۇراتىن مەتالل ىزدەگىشتەر، قول قۇرالدارى جانە وزگە دە جابدىقتار تاركىلەندى.

اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 295-1-بابىمەن قىلمىستىق ءىس قوزعالدى.

قازىرگى ۋاقىتتا ءىستىڭ بارلىق ءمان-جايلارىن انىقتاۋعا باعىتتالعان جەدەل-تەرگەۋ ءىس-شارالارى جۇرگىزىلۋدە.

تەرگەۋ مۇددەسىنە بايلانىستى، قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

شىعىس قازاقستان وبلىسى پروكۋراتۋراسى

Abai.kz