ءساۋىر ايىنىڭ باسىندا اقش پەن يران اراسىندا اتىستى توقتاتۋ رەجيمى كۇشىنە ەنگەنىنە قاراماستان، ورمۋز بۇعازى ايماعىندا جاعداي قايتا ۋشىقتى. وسى اپتادا تاراپتار ءبىر-ءبىرىنىڭ اسكەري نىساندارىنا سوققى جاساعانىن مالىمدەدى.

بۇعان دەيىن دۇيسەنبى كۇنى اقش ورمۋز بۇعازىندا مينا ورناتپاق بولعان كەمەلەرگە شابۋىل جاساعان ەدى. ال بەيسەنبىگە قاراعان ءتۇنى اسكەري ءىس-قيمىلدار جاڭا دەڭگەيگە ءوتتى:

28 مامىرعا قاراعان ءتۇن (ساعات 01:30 شاماسى): اقش اسكەرى يراننىڭ اسكەري نىسانىنا سوققى بەرىپ، 4 يراندىق دروندى اتىپ ءتۇسىردى. سونىمەن قاتار، بەندەر-ابباستاعى بەسىنشى دروندى ۇشىرۋعا دايىندالىپ جاتقان يراندىق باسقارۋ پۋنكتى شابۋىلعا ۇشىرادى. يران باق-تارى بۇل ۋاقىتتا جارىلىس دىبىستارى ەستىلگەنىن راستادى.

اقش-تىڭ ءۋاجى: پەنتاگون وكىلدەرى بۇل شارالاردىڭ تازا قورعانىس ماقساتىندا جاسالعانىن جانە ورمۋز بۇعازىنداعى كوممەرتسيالىق كەمەلەر مەن امەريكالىق ساربازداردىڭ قاۋىپسىزدىگىن قورعاۋعا باعىتتالعانىن العا تارتتى.

بەيسەنبى (ساعات 04:50): يراننىڭ يسلام رەۆوليۋتسياسى ساقشىلار كورپۋسى بەندەر-ابباستاعى شابۋىلعا جاۋاپ رەتىندە امەريكانىڭ اۋە بازاسىنا سوققى بەرگەنىن جاريالادى. الايدا، نىساننىڭ ناقتى قاي ايماقتا ورنالاسقانى حابارلانبادى.

اقش پەن يران اراسىنداعى زىمىراندار مەن دروندار قاقتىعىسىنان كەيىن، بەيسەنبى كۇنى كۋۆەيت قارۋلى كۇشتەرى ءوز اۋماعىنداعى اۋە قورعانىسى جۇيەلەرىن تولىق ىسكە قوستى.

قازىرگى ۋاقىتتا قوس تاراپ تا اتىستى توقتاتۋ رەجيمىن ساقتاۋعا نيەتتى ەكەنىن ايتقانىمەن، بۇعازداعى اسكەري بەلسەندىلىك ايماقتىق تۇراقسىزدىق قاۋپىن ارتتىرىپ وتىر.

Abai.kz