بيىل تۇركىستان مەن قىزىلوردا وبلىستارىندا سۋ تاپشى بولۋى بولجانىپ وتىر. سوندىقتان شارۋا قوجالىقتارىنا سۋدى ۇنەمدەۋ تاپسىرىلدى. بۇل جايىندا قر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ «24KZ» ارناسىنداعى «ءتۇيىن» باعدارلاماسىنا بەرگەن سۇحباتىندا ايتتى.

«راس، بيىلعى جىلى تۇركىستان مەن قىزىلوردا وبلىستارىندا سۋ تاپشىلىعى بولادى دەگەن بولجام بار. ەڭ ءبىرىنشى ول بولجام مىنا جوعارى قىرعىزستاندا توقتاعۇل سۋ قويماسى ورنالاسقان. ءبىز ونى كورىپ وتىرمىز ول جەردە قاشا سۋ جينالعانىن. بىلتىرعى جىلمەن سالىستارعاندا جالپى جوعارى سۋ قويمالارىندا ول – قىرعىزستان، وزبەكستان، تاجىكستاندا ۆەگەتاتسيا باستالاردىڭ الدىندا 1 ملرد 600 ملن تەكشە مەتر سۋ از بولعان بىلتىرعى جىلمەن سالىستىرعاندا. ول دەگەنىمىز ۆەگەتاتسيا كەزىندە سول سۋ تاپشى بولادى دەگەن ءسوز. ءبىز قىستا وزىمىزدە ورنالاسقان سۋ قويمالارىن جيناقتادىق 100 پايىز كولەمىندە. بىراق سول ۆەگەتاتسيا كەزىندە 6 ايدىڭ ىشىندە ءبارىبىر سول جوعارى جاقتان مىندەتتى تۇردە سۋ كەلۋ كەرەك. سوندىقتان، سۋ از بولعانىن كورگەننەن كەيىن بولجام سونداي بولدى سۋ از بولاتىنى»، - دەدى ول.

مينيستر سۋ كوپ تالاپ ەتەتىن داقىلداردى، ونىڭ ىشىندە كۇرىش كولەمىن قىسقارتۋ ماسەلەسى قولعا الىنعانىن ايتتى. جەلتوقسان ايىندا قىزىلوردا، تۇركىستان، جامبىل وبلىستارىنا بارىپ شارۋا قوجالىقتارىمەن كەزدەسىپ، وسى جاعداي ءتۇسىندىرىپ ايتىلعان.

«ناقتى قىزىلوردا وبلىسىنا كەلەتىن بولساق، ول جەردە سۋدى پايدالاناتىن اۋىل شارۋاشىلىعىنان باسقا تاعى ەكى ۇلكەن باعىت بار. ول سولتۇستىك ارال تەڭىزى جانە ەكولوگيالىق باعىت. قىزىلوردا وبلىسىندا 70-كە جۋىق كولشىكتەر بار. ەگەر ولاردى سۋمەن تولتىرماساق ەكولوگيالىق ماسەلە تۋىندايدى. وسى ءۇش ۇلكەن باعىت بويىنشا بالانستا بولۋىمىز كەرەك. سۋ اۋىل شارۋاشىلىعىنا، بالىق شارۋاشىلىعى ءۇشىن سولتۇستىك ارالعا سۋ بارۋى كەرەك جانە ەكولوگيالىق ماقساتقا ءبىز سۋدى جىبەرۋىمىز كەرەك»، - دەدى باعدارلاما قوناعى.

سونىمەن قاتار، سۋ رەسۋرستارى جانە يرريگاتسيا ءمينيسترى وڭىرلەردە سۋ باسسەينى ينسپەكتسيالارىنىڭ شتات سانى كوبەيتىلگەنىن جەتكىزدى. بۇل شارا جەرگىلكتى جەرلەردە باقىلاۋ جۇمىستارىن كۇشەيتۋگە مۇمكىندىك بەردى.

«بۇگىنگى كۇنى 8 باسسەين ينسپەكتسياعا مينيسترلىك قۇرىلعاننان باستاپ ءبىز ارنايى كوميتەت قۇردىق. ەڭ ءبىرىنشى ماسەلە ءبىز باسسەين ينسپەكتسيالارىنىڭ شتات ماسەلەسىن شەشتىك. قوسىمشا 230-دان استام شتات بىرلىگىن بەردىك. بۇرىنعى ينسپەكتسيالاردا شتات سانى از بولعاننان كەيىن كوپ كولەمدە جۇمىستار اتقارىلا الماي ءجۇردى جەرگىلىكتى جەرلەردە. سوندىقتان، بىرىنشىدەن شتاتىن كوبەيتتىك. ەكىنشى، ماتەريالدىق-تەحنيكالىق بازاسىن نىعايتتىق»، - دەدى نۇرجان نۇرجىگىتوۆ.

ءمينيستردىڭ ازاماتتار سۋدى تۇتىنۋ مادەنيەتى جايىندا دا پىكىر ءبىلدىردى. ايتۋىنشا، ەگەر ءار ازامات سۋدى ۇنەمدەۋدى ۇيرەنسە جىل سايىن 260 ملن تەكشە مەتر اۋىزسۋدى ۇنەمدەي الامىز.

«ەگەر ازاماتتار ءبىز بەرگەن ۇستانىمداردى ساقتاسا، قازاقستان 1 جىلدىڭ ىشىندە ءبىزدىڭ ەسەبىمىز بويىنشا 260 ملن تەكشە مەتر اۋىزسۋدى ۇنەمدەۋىنە بولادى. ەلىمىز جىلىنا 1 ملرد 300 ملن تەكشە مەتر اۋزىزسۋ پايدالانادى»، - دەدى سپيكەر.

ايتا كەتەيىك، ماماندار بيىلعى جاز ەلىمىز ءۇشىن وڭايعا سوقپايىن دەپ تۇرعانىن ايتتى. 11 وبلىس قۋاڭشىلىقتىڭ قىسپاعىندا قالۋى مۇمكىن. قۇرعاقشىلىق اسىرەسە باتىس، وڭتۇستىك جانە ورتالىق ايماقتاردا قاتتى سەزىلۋى ىقتيمال. وڭتۇستىك وڭىرلەردە ەڭ قيىن كەزەڭدەردە سۋارۋ سۋىنىڭ تاپشىلىعى 1 ملرد تەكشە مەترگە جەتەدى.

باعدارلامانىڭ تولىق نۇسقاسى:

Abai.kz