كۇللى الەم ءۇشىن الەۋمەتتىك جەلى شىن مانىندە مايداڭ الاڭىنا اينالىپ كەتكەن...

سوندىقتان دا، وسى مايداننىڭ الدىڭعى شەبىندە جاۋعا انىق كورىنەتىن شىندىقتى، ارەكەتتەرىڭدى، ءوز ۇستانىمىڭ مەن ستراتەگياڭدى جاسىرا ءبىلۋىڭ كەرەك...

جازاتىن دا نارسە بار، جازبايتىن دا نارسە بار...

مەملەكەتتىڭ، ۇلتتىق كۇرەستىڭ، جەكە باستىڭ دا باستى يدەيالارىن مىناۋ تىم اشىق الەمدە جاۋدان ءاردايىم قاتاڭ قۇپيا ۇستاي ءبىلۋ كەرەك...

مۇمكىن، ول ءۇشىن جەكە كوزقاراسىڭدى، ماڭىزدى ويلارىڭ مەن كەيبىر سەزىمدەرىڭدى ىشتە بۇگىپ ۇيرەنۋىڭ دە قاجەت بولاتىن شىعار...

كىم اكىلدى، كىم سابىرلى دا مايىسقاق دەگەننەن بۇرىن، كەز كەلگەن قۇپيانى مىعىم ساقتاي العان سۋبەكتىلەر جەڭىسكە جەتەدى دەگەندى ءاربىر الەۋمەتتىك جەلىنى پايدالانۋشى بەرىك ەستە ساقتاپ، ۇستانعانى ءجون...

سونىمەن قاتار، ءوزىنىڭ وي - ءورىسىنىڭ جەتىمسىزدىگىن تولىقتىرىپ، وزگەگە «اقىلدى» بولىپ كورىنۋ ءۇشىن جاساندى ينتەللەكتتى (جي) پايدالانىپ، سوعان دايىنداتقان اقپاراتتى تاراتاتىن «تەسىك باستار» كوبەيىپ كەتتى...

ەڭ قاۋىپتىسى  Facebook تا، جي دە ساعان بەرگەن اقپاراتىنىڭ قارىمىنا سەنىڭ جەكە دەرەكتەرىڭدى 100% جيناپ، ارحيۆتەيدى. مۇنىڭ بارلاۋ دەرەكتەرىن جينايتىن الگوريتم ەكەنىن ەشكىم تۇسىنە بەرمەيدى.

ءتىپتى، ءبارىمىزدىڭ ۇيالى تەلەفونداعى كۇندەلىكتى بۇكىل سويلەسۋلەرى تولىق ەكى جىل بويى سوعان جاۋاپتى وپەراتوردىڭ دەرەكتەر بازاسىندا ساقتالىپ قالادى. سونىمەن بىرگە قۇرىلعىڭنىڭ وزىندە دە.

ءبىر دوسىم:

«تەلەفونمەن ەمەس، كەزدەسىپ سويلەسەيىك» دەگەندە، ەكىنشىسى:

«ءبىزدى كىم تىڭداپ وتىر دەيسىڭ؟» دەپ شامدانعان ەدى.

تەلەفونمەن نە سويلەسىپ، نە سويلەسپەۋىڭنىڭ ءوزى سەنىڭ تاعدىرىڭدى ايقىندايدى...

ءبىز ءبارىمىز تۇرمەگە اينالعان تەحنولوگيالىق الەمدە ءومىر ءسۇرىپ جاتقانىمىزدى ۇمىتپاڭدار.

بۇل ءۇنسىز، قان توگىسسىز سوعىس...

قاباتىن يت ۇرمەيدى...

امانتاي تويشىبايۇلى

Abai.kz