قازاقستان قاسىم-جومارت توقاەۆتىڭ باسشىلىعىمەن جاڭعىرتۋدىڭ جاڭا كەزەڭىنە قادام باستى — ولجاس بەكتەنوۆ

كونستيتۋتسيا ەلىمىزدىڭ الداعى ونجىلدىقتارداعى دامۋ باعدارىن ايقىندايدى

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا قازاقستان رەسپۋبليكاسىنىڭ كونستيتۋتسياسىن ساپالى جۇزەگە اسىرۋ جونىندەگى شارالار قارالدى.

«بۇگىن قازاقستان رەسپۋبليكاسىنىڭ جاڭا كونستيتۋتسياسى كۇشىنە ەندى. بۇل – ەلىمىزدىڭ الداعى ونجىلدىقتارداعى دامۋ باعدارىن ايقىندايتىن نەگىزگى قۇجات. اتا زاڭنىڭ قابىلدانۋى قاسىم-جومارت كەمەلۇلى توقاەۆتىڭ باسشىلىعىمەن جۇزەگە اسىرىلىپ جاتقان ەلىمىزدى جاڭعىرتۋدىڭ جاڭا كەزەڭىن ازاماتتارىمىزدىڭ جاپپاي قولدايتىنىن انىق كورسەتتى.

جاڭا كونستيتۋتسيا ەكونوميكالىق كورسەتكىشتەرمەن عانا ولشەنبەيتىن وزىق ءارى قارقىندى دامۋدىڭ بەرىك ينستيتۋتسيونالدىق نەگىزىن قالىپتاستىرادى.

پرەزيدەنت جاھاندىق وزگەرىستەردىڭ كوشىن قۋىپ جەتۋمەن عانا شەكتەلمەي، جاڭا ەكونوميكالىق احۋالدى قالىپتاستىراتىن بەلسەندى قاتىسۋشىعا اينالۋىمىز كەرەك ەكەنىن اتاپ وتۋدە.

جۇرگىزىلىپ جاتقان رەفورمالاردىڭ بارلىعى ءدال وسى مىندەتتەردى جۇزەگە اسىرۋعا باعىتتالعان. ال، ولاردىڭ ءتۇپ نەگىزىندە جاڭا كونستيتۋتسيامىز تۇر»،— دەپ اتاپ ءوتتى پرەمەر-مينيستر.

پرەمەر-مينيستر بارلىق مەملەكەتتىك جانە قوعامدىق ينستيتۋتتاردى تۇبەگەيلى جاڭعىرتۋ باستالعانىن اتاپ ءوتتى.

«جۇزەگە اسىرىلىپ جاتقان وزگەرىستەردىڭ بارلىعى قوعامداعى تۇراقتىلىقتى ودان ءارى ساقتاۋ، ازاماتتاردىڭ ءال-اۋقاتىن لايىقتى دەڭگەيدە قامتاماسىز ەتۋ، «زاڭ مەن ءتارتىپ» قاعيداتىن نىعايتۋ، سونداي-اق قازاقستاندىقتاردىڭ وزىق ويلى ءارى جوعارى ينتەللەكتۋالدى بۋىنىن قالىپتاستىرۋعا باعىتتالعان»،— دەپ اتاپ ءوتتى ولجاس بەكتەنوۆ.

Abai.kz