اقتوبە وبلىسىنا جۇمىس ساپارى اياسىندا «اق جول» دەمپارتياسىنىڭ توراعاسى دانيا ەسپاەۆا مەن پارتيانىڭ ۇگىت-ناسيحات توبى تەمىربەتون بۇيىمدارى مەن قۇرىلىس كونسترۋكتسيالارىن وندىرۋگە ماماندانعان «سترويدەتال» جشس-دە بولىپ قايتتى.

كاسىپورىن باسشىلىعى پارتيا وكىلدەرىن ءوندىرىس جۇمىسىمەن تانىستىرىپ، كومپانيانىڭ قىزمەتى، سالانىڭ قازىرگى احۋالى تۋرالى بايانداپ، وتاندىق ونەركاسىپ پەن كاسىپكەرلىكتى ودان ءارى دامىتۋعا قاتىستى ءوز كوزقاراستارىن ورتاعا سالدى.

ەڭبەك ۇجىمى الدىندا ءسوز سويلەگەن دانيا ەسپاەۆا «اق جول» دەموكراتيالىق پارتياسى سايلاۋالدى باعدارلاماسىنىڭ نەگىزگى باعىتتارىن تانىستىرىپ، وتاندىق ءوندىرىستى قولداۋ، شاعىن جانە ورتا بيزنەستى دامىتۋ، ەلدىڭ ونەركاسىپتىك الەۋەتىن نىعايتۋ جانە كاسىپكەرلىككە قولايلى جاعداي قالىپتاستىرۋ ماسەلەلەرىنە ەرەكشە توقتالدى.

اشىق ديالوگ بارىسىندا كاسىپورىن قىزمەتكەرلەرى ەكونوميكا، قۇرىلىس سالاسىن دامىتۋ، ەڭبەك جاعدايى جانە وزگە دە وزەكتى ماسەلەلەرگە قاتىستى سۇراقتارىن قويدى. بارلىق ساۋالدارعا جان-جاقتى جاۋاپ بەرىلدى.

كەزدەسۋ سوڭىندا قاتىسۋشىلار «اق جول» دەموكراتيالىق پارتياسىنىڭ وكىلدەرىنە مازمۇندى ديالوگ ءۇشىن العىس ءبىلدىرىپ، ەڭبەك ۇجىمدارىمەن تىكەلەي جۇزدەسۋدىڭ ماڭىزىن ەرەكشە اتاپ ءوتتى.

ەسكەرتۋ: ماتەريالدىڭ اقىسى «اق جول» - قازاقستاننىڭ دەموكراتيالىق پارتياسىنىڭ سايلاۋالدى شتابى قورىنان تولەندى.

Abai.kz