ولجاس بەكتەنوۆ پرەزيدەنتتىڭ «تازا قازاقستان» ەكولوگيالىق اكتسياسى اياسىندا بەرگەن تاپسىرمالارىن جۇزەگە اسىرۋ ماسەلەلەرى جونىندە كەڭەس وتكىزدى.

قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ مەملەكەت باسشىسى قاسىم-جومارت توقاەۆتىڭ 19 قىركۇيەكتە «تازا قازاقستان» رەسپۋبليكالىق ەكولوگيالىق اكتسياسى كەزىندە بەرگەن تاپسىرمالارىن جۇزەگە اسىرۋ ماسەلەلەرى جونىندە كەڭەس وتكىزدى.

«مەملەكەت باسشىسى اتاپ وتكەندەي، ەلىمىز اۋقىمدى وزگەرىستەر داۋىرىنە قادام باستى. جاڭا كونستيتۋتسيا وزىق قازاقستاندى ودان ءارى دامىتۋدا جاڭا مۇمكىندىكتەرگە جول اشادى. قازىردىڭ وزىندە بارلىق سالادا اۋقىمدى رەفورمالار جۇزەگە اسىرىلىپ جاتىر. جۋىردا عانا قاسىم-جومارت كەمەلۇلى توقاەۆ ۇكىمەت الدىنا ازاماتتارعا الەۋمەتتىك كومەك كورسەتۋ، جوعارى ەكولوگيالىق مادەنيەت قالىپتاستىرۋ، قالالىق جانە رەسپۋبليكالىق ماڭىزى بار جولداردىڭ ساپاسىن ەڭ جوعارى دەڭگەيدە قامتاماسىز ەتۋ، سونداي-اق استانا قالاسىنىڭ ۋربانيستيكا ورتالىعىنىڭ تاجىريبەسىن كەڭىنەن تاراتۋ ماسەلەلەرىنە قاتىستى بىرقاتار مىندەت قويدى»، - دەپ اتاپ ءوتتى ولجاس بەكتەنوۆ.

پرەمەر-مينيستر پرەزيدەنت تاپسىرمالارىن ءتيىستى باعىتتار بويىنشا ورىنداۋعا قاتىستى مينيسترلىكتەردىڭ باياندامالارىن تىڭدادى.

«پرەزيدەنت اتاپ وتكەندەي، مەملەكەت الەۋمەتتىك مىندەتتەمەلەرىن مۇلتىكسىز ورىنداپ كەلەدى. ال قاجەتتى الەۋمەتتىك كومەك تەك شىن مانىندە مۇقتاج ادامدارعا عانا كورسەتىلەتىنىنە نازار اۋدارۋ كەرەك. مينيسترلەر مەن اكىمدەر كورسەتىلگەن بارلىق باعىتتار بويىنشا اۋقىمدى جۇمىس جۇرگىزۋى ءتيىس. ازاماتتارعا كورسەتىلەتىن كومەكتىڭ تۇرلەرى تۋرالى كەڭىنەن اقپارات بەرىلۋى قاجەت. وڭىرلەردە اكىمدىكتەر الەۋمەتتىك جاردەماقى الۋشىلار اراسىندا ءتۇسىندىرۋ جۇمىستارىن كۇشەيتۋى كەرەك»، - دەدى پرەمەر-مينيستر.

مادەنيەت جانە اقپارات ءمينيسترى ارمان قىرىقباەۆ ەكولوگيالىق مادەنيەتتى قالىپتاستىرۋ جونىندەگى جۇمىستار بىرنەشە باعىت بويىنشا جۇرگىزىلىپ جاتقانىن باياندادى، ولار – اقپاراتتىق سۇيەمەلدەۋ، جاستار مەن ەرىكتىلەردى تارتۋ، ازاماتتىق باستامالاردى قولداۋ جانە قوعامدىق قاتىسۋدى دامىتۋ.

2026 جىلدىڭ باسىنان بەرى ەكولوگيالىق اكتسيالارعا 2 ملن-عا جۋىق جاس قاتىستى، 2 مىڭنان استام جاستار ءىس-شاراسى وتكىزىلدى. مەملەكەتتىك قولداۋمەن ۇەۇ-نىڭ 60-قا جۋىق الەۋمەتتىك جوباسى، ونىڭ ىشىندە 34 ەكولوگيالىق باعىتتاعى جوبا جۇزەگە اسۋدا. بۇگىندە 3 قالادا مامانداندىرىلعان ەكو-حابتار جۇمىس ىستەيدى: الماتى، استانا جانە قاراعاندى. ولار ازاماتتاردى ەكولوگيالىق كۇن تارتىبىنە جۇمىلدىرۋدىڭ ءتيىمدى قۇرالى رەتىندە ارەكەت ەتەدى. ۆولونتەرلىك قوزعالىستى دامىتۋدىڭ 2030 جىلعا دەيىنگى تۇجىرىمداماسى جانە ەكولوگيالىق ۆولونتەرلىكتىڭ جەكە باعدارلاماسى ازىرلەنۋدە. كۇندەلىكتى ەكولوگيالىق ادەتتەردى دايەكتى تۇردە قالىپتاستىرۋ جونىندەگى جۇمىس كۇشەيتىلەتىن بولادى.

جەكەلەگەن باعىت رەتىندە حالىققا كورسەتىلىپ جاتقان اۋقىمدى مەملەكەتتىك قولداۋدى اقپاراتتىق تۇرعىدان جاريا ەتۋ جۇمىستارى جۇرگىزىلۋدە. جۇمىستى ودان ءارى كۇشەيتۋ جونىندەگى شارالار باياندالدى.

پرەمەر-مينيستر الەۋمەتتىك قولداۋ، مەديتسينالىق كومەك جانە ءبىلىم بەرۋ سالاسىنداعى كەشەندى جۇمىس ماسەلەلەرى حالىق اراسىندا اۋقىمدى ءتۇسىندىرۋ جۇمىستارىن جۇرگىزۋدى تالاپ ەتەتىنىن اتاپ ءوتتى. سونىمەن قاتار قوعامدا جوعارى ەكولوگيالىق مادەنيەتتى قالىپتاستىرۋ بويىنشا نىسانالى اقپاراتتىق جۇمىستى ۇيىمداستىرۋ تاپسىرىلدى.

Abai.kz