رامزام قادىروۆ 5 مارتە شەەشەنباسى بولىپ سايلانعان.

2007 جىلى قادىروۆ سايلاۋعا قاتىسپادى. ونى پۋتين ۇسىنىپ، پارلامەنتتىڭ 58 دەپۋتاتىنىڭ 56-سى قولداپ، جەڭدى. ال 2 بۇلەتەندى بۇلىنگەن دەپ تاپتى.

2011 جىلى دا سايلاۋ وتپەدى. بۇل جولى مەدۆەدەۆ ۇسىنىپ، پارلامەنتتىڭ 32 دەپۋتاتى ءبىراۋىزدان قولداپ بەردى.

2016 جىلى سايلاۋدا رامزان قادىروۆ 97,94 پايىز داۋىسپەن جەڭدى.

2021 جىلى 99,7 پايىز الدى.

ال كەشە (2026 جىلى) 99,85 پايىز داۋىس جازىلدى.

ۆلاديمير پۋتين 5 مارتە رەسەيباسى بولىپ تاڭدالدى.

2000 جىلى پۋتين العاش رەت سايلاۋعا ءتۇسىپ، 52,94 پايىز الدى.

2004 جىلعى ەكىنشى سايلاۋىندا پۋتين 71,31 پايىز يەلەندى.

2008 جىلى پۋتين ورنىن مەدۆەدەۆكە بەرىپ، ءوزى «پرەمەر-زيدەنت» بولدى.

ال 2012 جىلى 63,60 پايىز الىپ، ءۇشىنشى رەسمي مەرزىمىنە كىرىستى.

ونان سوڭ 2018 جىلى پۋتين ءتورتىنشى سايلاۋىندا 76,69 پايىزدى قاناعات تۇتتى.

ءپۋتيننىڭ اقىرعى سايلاۋى 2024 جىلى ءوتى. وندا رەسەيباسىنىڭ ەسەبىنە 87,28 پايىز جازىلدى.

وسىلايشا، رامزان قادىروۆ ءپۋتيننىڭ ءوزىن شاڭ قاپتىردى. رەسەيباسى، «الەمنىڭ ەكىنشى اسكەرى» دەپ اسىرە اسپەتتەلگەن، الەمدىك گەگەموندىققا ۇمتىلىستاعى «يادرولىق دەرجاۆانىڭ» ءابسوليۋتتى بيلىك يەسىنىڭ ءوزى ومىرىندە الىپ كورمەگەن 90 پايىزدىق مەجەنى رامحان احماد بالاسى سوناۋ 2016 جىلدان بەرى وپ-وڭاي ەڭسەرىپ كەلەدى.

ايتپاقشى، ءپۋتيننىڭ 2036 جىلعا دەيىن جانە 2 مارتە سايلانۋ قۇقى بار. قازىر پۋتين 73-تە. كىم ءبىلسىن، شاماسى جەتسە، سول كەزگە دەيىن 90 پايىزدىڭ توڭىرەگىن كورىپ قالۋى دا عاجاپ ەمەس.

Abai.kz