قىرعىزستاننىڭ زاڭ شىعارۋشى ورگانى — جوگوركۋ كەنەش دەپۋتاتتارى ەلدەگى كەزەكتى پرەزيدەنت سايلاۋىن بەلگىلەۋ تۋرالى ارنايى قاۋلى جوباسىن قابىلدادى. بۇل تۋرالى Kazinform اگەنتتىگىنىڭ بىشكەكتەگى مەنشىكتى ءتىلشىسى حابارلايدى.

پارلامەنتتىڭ كونستيتۋتسيالىق زاڭناما، مەملەكەتتىك قۇرىلىس، جەرگىلىكتى ءوزىن-ءوزى باسقارۋ جانە رەگلامەنت كوميتەتىنىڭ ءتورايىمى گۇلنار اكىمباەۆانىڭ ايتۋىنشا، كونستيتۋتسيا تالاپتارىنا سايكەس مەملەكەت باسشىسىن سايلاۋ كۇنى جوگوركۋ كەنەشتىڭ قاۋلىسىمەن بەكىتىلەدى.

جاڭا تارتىپكە ساي، كەزەكتى پرەزيدەنت سايلاۋى قازىرگى مەملەكەت باسشىسىنىڭ وكىلەتتىك مەرزىمى اياقتالاتىن جىلدىڭ قاڭتار ايىنداعى ءتورتىنشى سارسەنبىگە بەلگىلەنگەن. وسىعان وراي، كەلەسى ساياسي ناۋقان 2027 جىلدىڭ 27 قاڭتارىنا تۋرى كەلىپ وتىر.

ايتا كەتەيىك، بۇعان دەيىن قىرعىزستاندا سايلاۋ زاڭناماسىنا ءتيىستى تۇزەتۋلەر ەنگىزىلىپ، پرەزيدەنتتىك جانە پارلامەنتتىك سايلاۋلاردى ءداستۇرلى جەكسەنبى كۇننەن سارسەنبىگە اۋىستىرۋ تۋرالى شەشىم قابىلدانعان بولاتىن.

Abai.kz