قازاقستان رەسپۋبليكاسىنىڭ مادەنيەت جانە اقپارات ءمينيسترى ارمان قىرىقباەۆ Yango Group كومپانياسىنىڭ باس ديرەكتورى دانيل شۋلەيكومەن كەزدەستى.

تاراپتار كرەاتيۆتى يندۋستريالار، تسيفرلىق تەحنولوگيالار، جاساندى ينتەللەكتى مەن ءبىلىم بەرۋ سالالارىنداعى ىنتىماقتاستىقتى دامىتۋ، سونداي-اق قازاقستاندىق كونتەنتتى كەڭىنەن تانىتۋ ماسەلەلەرىن تالقىلادى.

وتاندىق كينونى تسيفرلىق پلاتفورمالاردا ناسيحاتتاۋعا ەرەكشە نازار اۋدارىلدى. كينوپويسكتەگى قازاقستاندىق جاڭا فيلمدەر سانىن ارتتىرۋ، فيلمدەردىڭ تۇساۋكەسەرلەرىنە اقپاراتتىق قولداۋ كورسەتۋ، سونداي-اق وتاندىق تۋىندىلاردى پلاتفورمانىڭ تاقىرىپتىق توپتامالارىنا جانە كورەرمەنگە ۇسىنىلاتىن فيلمدەر تىزىمىنە ەنگىزۋ ماسەلەلەرى ءسوز بولدى.

تاراپتار تۋىندىلاردى زاڭسىز كوشىرۋ مەن تاراتۋعا قارسى كۇرەس پەن اۆتورلىق قۇقىقتى قورعاۋعا باعىتتالعان زاڭنامالىق باستامالاردى بىرلەسىپ ىلگەرىلەتۋ ماسەلەسىن دە تالقىلادى. سونىمەن قاتار ونەر مەن كينو سالاسىندا جاساندى ينتەللەكتىنى قولدانۋ، كرەاتيۆتى يندۋستريالاردى تسيفرلاندىرۋ جانە زاماناۋي تسيفرلىق داعدىلاردى دامىتۋ جايى قاراستىرىلدى.

ءبىلىم بەرۋ سالاسىنداعى ىنتىماقتاستىق اياسىندا Yandex Qazaqstan ساراپشىلارى مەن تالىمگەرلەرىنىڭ كرەاتيۆتى يندۋستريالاردى دامىتۋ قورىنىڭ ءىس-شارالارىنا قاتىسۋ مۇمكىندىگى قاراستىرىلدى.

ارمان قىرىقباەۆ Yandex Qazaqstan كومپانياسىنىڭ «Creative Qazaqstan» جوباسىن دا اتاپ ءوتتى. قازاقستاننىڭ قازىرگى كرەاتيۆتى ەكونوميكاسىنا ارنالعان بۇل جوبا «حابار» جانە «Qazaqstan» تەلەارنالارىندا جۇزەگە اسىرىلىپ جاتىر.

كەزدەسۋ سوڭىندا تاراپتار كينو، كرەاتيۆتى يندۋستريالار، جاساندى ينتەللەكتى مەن تسيفرلىق ءبىلىم بەرۋ سالالارىنداعى ىنتىماقتاستىقتى ودان ءارى دامىتۋعا، سونداي-اق قازاقستاندىق كونتەنتتى كەڭىنەن تانىتۋعا مۇددەلى ەكەنىن راستادى.

Abai.kz