رەسەي كيەۆتەگى باتىس ەلدەرىنىڭ ەلشىلىكتەرىنە اشىق سەس كورسەتتى...

«ءبىزدىڭ سىرتقى ىستەر مينيسترلىگى مەن قورعانىس مينيسترلىگى بىرنەشە رەت ەسكەرتۋ جاسادى. ەندىگى شەشىم كيەۆتە ديپلوماتيالىق وكىلدىكتەرى بار مەملەكەتتەردىڭ وزىندە», — دەپ مالىمدەدى پەسكوۆ.

گەرمانيا، يتاليا، فرانتسيا، يسپانيا، بەلگيا، نيدەرلاندى جانە ەۋروپالىق وداققا مۇشە بىرقاتار باسقا ەلدەردىڭ ەلشىلىكتەرى ماسكەۋدىڭ سەس كورسەتۋىنە قاراماستان، كيەۆتەگى جۇمىستارىن جالعاستىرا بەرەتىنىن حابارلادى.

وسىنداي مالىمدەمەنى ەو ەلشىسى مەن پولشا جانە ەستونيا ديپلوماتتارى دا جاسادى.

ۋكراينا سىرتقى ىستەر ءمينيسترى اندرەي سيبيگا ماسكەۋدىڭ ديپلوماتتاردى قورقىتىپ-ۇركىتۋ ارەكەتتەرى بۇعان دەيىن دە بىرنەشە رەت ساتسىزدىككە ۇشىراعانىن اتاپ ءوتتى.

Abai.kz