استانادا رەسپۋبليكا كۇنىنە وراي باستالعان «مەنىڭ قازاقستانىم» اۋقىمدى چەللەندجى ءوتىپ جاتىر. الەۋمەتتىك جەلىلەردە ۇيىمداستىرىلعان باستاما ەلوردا تۇرعىندارىن ءبىر باعىتتا توعىستىردى. وعان مادەنيەت قايراتكەرلەرى، شىعارماشىلىق جانە سپورت سالاسىنىڭ وكىلدەرى، وقۋشىلار، بەلسەندى جاستار مەن قالا تۇرعىندارى قاتىستى، دەپ حابارلايدى ەلوردا اكىمدىگىنىڭ رەسمي سايتى.

قاتىسۋشىلار چەللەندجگە قوسىلىپ، ۇلتتىق مەرەكەگە ارنالعان بەينەروليكتەرىن جاريالاپ جاتىر.

استانالىقتار جازبالارىندا قازاقستاندىقتاردى رەسپۋبليكا كۇنىمەن قۇتتىقتاپ، وتانعا دەگەن ماحابباتىن سوزبەن جەتكىزەدى. بىرلىك، تاۋەلسىزدىك، وتانعا دەگەن سۇيىسپەنشىلىك جانە ءار ازاماتتىڭ ەل دامۋىنا قوسار ۇلەسى تۋرالى وي بولىسەدى. چەللەندجگە ءتۇرلى بۋىن مەن سالا وكىلدەرى قاتىسىپ، ەلوردادا مەرەكەلىك كوڭىل كۇيدىڭ قالىپتاسۋىنا ۇلەس قوسىپ جاتىر.

«مەنىڭ قازاقستانىم» چەللەندجى رەسپۋبليكا كۇنىن مەرەكەلەۋ اياسىنداعى اۋقىمدى پاتريوتتىق باستامالاردىڭ بىرىنە اينالدى. ونىڭ نەگىزگى ماقساتى – ازاماتتىق سانانى قالىپتاستىرۋ، پاتريوتتىق رۋحتى كوتەرۋ جانە مەملەكەتتىك رامىزدەر مەن ۇلتتىق مۇراعا قۇرمەتتى ارتتىرۋ.

ەسكە سالايىق، رەسپۋبليكا كۇنىنە وراي استانادا مادەني، قوعامدىق، سپورتتىق، ءبىلىم بەرۋ جانە پاتريوتتىق باعىتتا 120-دان استام ءىس-شارا ءوتىپ جاتىر.

Abai.kz