الماتىنىڭ جەتىسۋ اۋدانىندا «حالىق قاتىساتىن بيۋدجەت – 2026» باعدارلاماسى اياسىندا تاعى ءبىر اۋماقتى كوركەيتۋ جۇمىستارى اياقتالدى.

الماتىداعى بۇرىنداي كوشەسى، 173د/19 مەكەنجايىندا ويىن ويناۋعا، سپورتپەن اينالىسۋعا، دەمالۋعا جانە وتباسىمەن ۋاقىت وتكىزۋگە ارنالعان تولىققاندى قوعامدىق كەڭىستىك پايدا بولدى. بۇعان دەيىن مۇندا شاعىن عانا بالالار الاڭى بولعان.

ەندى مۇندا فۋتبول الاڭى، ەكى بالالار ويىن الاڭى، ۆوركاۋت ايماعى جانە دەمالۋعا ارنالعان ەكى جايلى ورىن بار. تۇرعىندار ءۇشىن 11 ويىن ەلەمەنتى، 14 ورىندىق، 14 قوقىس جاشىگى جانە ەكى پەرگولا ورناتىلدى.

اۋماقتىڭ وزىنە دە ەرەكشە كوڭىل ءبولىندى. مۇندا 3 مىڭ شارشى مەترگە جۋىق جاڭا برۋسچاتكا توسەلىپ، رەزەڭكە جانە اسفالت جابىندارى جاڭارتىلدى. 2 مىڭ شارشى مەترگە جۋىق جەرگە كوگال توسەلىپ، گۇلدەر مەن بۇتالار ەگىلدى.

جاسىل جەلەكتى كۇتىپ ۇستاۋ ءۇشىن ۇڭعىمامەن جابدىقتالعان اۆتوماتتى سۋارۋ جۇيەسى ورناتىلدى.

جەتىسۋ اۋدانىندا «حالىق قاتىساتىن بيۋدجەت» باعدارلاماسى اياسىندا وسىنداي جۇمىستار 25 اۋماقتا جۇرگىزىلىپ جاتىر. كەيبىرىندە جوبا اياقتالسا، ەندى بىرىندە جۇمىس قىزعان.

Abai.kz