بەلگىلى سپورت ءجۋرناليسى اسلان قاجەنوۆ ءوزىنىڭ جەلىدەگى پاراقشاسىندا وزىنە قاتىستى قورقىتىپ-ۇركىتۋلەر بولىپ جاتقانىن مالىمدەدى.

«ازيا ويىندارى اياقتالدى! ايتاتىن دۇنيە كوپ. ونى قازىر ءبىر پوستقا سىيدىرا المايمىن. ەلگە امان-ەسەن جەتكەسىن، ءبىر ەمەس، بىرنەشە پودكاست جازىلادى. ءيا، قورقىتۋ-ۇركىتۋلەر بولىپ جاتىر. وتە جوعارى جاقتان. بىراق، وسىنىڭ ءبارىن مەن ايتپاسام، كىم ايتادى؟!

بۇل جەردە جەكە باسىمنىڭ مۇددەسىنەن كورى، بۇكىل وتاندىق سپورتتىڭ مۇددەسى جوعارى. سوندىقتان، ءبىر ادىم دا ارتقا شەگىنبەيمىن. ودان كەيىن سوتتايسىڭدار ما، ولتىرەسىڭدەر مە، مىڭىزدى ەمەس. كەزىندى شىندىق ءۇشىن ماحامبەت اتامنىڭ باسىن كەسكەن. بەر جاعىندا، ياعني، ءوزىم كوزىممەن كورگەنىمدى ايتار بولسام، امانگەلدى سەيىتحاندى دا ءبىراز قۋدالىپ، ءبىراز شەتتەتتى. اقىرى ءولتىرىپ تىندى. ءبىز ولاردىڭ قاسىندا كىمبىز؟! باسقا تۇسكەنىن كورەمىز. اقيقات قىمبات. سونىڭ جولىندا قۇربانبىز»، — دەپ جازدى ول.

Abai.kz