«زاڭ مەن ءتارتىپ» جانە ازاماتتاردىڭ تسيفرلىق قۇقىقتارىن كونستيتۋتسيا دەڭگەيىندە قورعاۋ: قازاقستاندا كيبەرالاياقتىق سانى 40%-عا ازايدى، جابىرلەنۋشىلەرگە 5,9 ملرد تەڭگە وتەلدى.

ەلىمىزدە ينتەرنەت-الاياقتاردان قورعانۋدىڭ ينتەللەكتۋالدى جۇيەسى قارقىندى دامىپ كەلەدى.

ستاتيستيكا جانە ناتيجەلەر:

3 جىل ىشىندە ينتەرنەت-الاياقتىق سانى 40%-عا ازايدى، ال مۇنداي قىلمىستاردى اشۋ دەڭگەيى 29,9%-عا ءوستى.

ۇلتتىق بانكتىڭ انتيفرود-ورتالىعىنىڭ ارقاسىندا سوڭعى جىلدارى زارداپ شەككەندەرگە ميللياردتاعان تەڭگە قايتارىلدى، 117 ملرد تەڭگەدەن استام قاراجات بۇعاتتالدى.

دروپپەرلىك ءۇشىن قىلمىستىق جاۋاپكەرشىلىك قاراستىرىلعان. زاڭداردا جانە قورعاۋ شارالارىندا نە وزگەردى:

دەربەس دەرەكتەردى قورعاۋ كونستيتۋتسيالىق دەڭگەيدە بەكىتىلدى.

مەديتسينالىق، بانكتىك جانە باسقا دا ماڭىزدى دەرەكتەرى بار بازالارعا قول جەتكىزۋ ءۇشىن مىندەتتى بيومەتريا ەنگىزىلدى.

ۇيىمدار ازاماتتارعا دەرەكتەردىڭ تاراپ كەتكەنى تۋرالى حابارلاۋعا مىندەتتى.

ەڭبەك كودەكسىنە قىزمەتكەرلەردى كيبەرگيگيەناعا وقىتۋ بويىنشا نورمالار ەنگىزىلدى، ال ماڭىزدى نىسانداردىڭ قورعالۋىن قاداعالاۋ ۇقك-گە بەرىلدى.

ازاماتتارعا ارنالعان پايدالى تەگىن قىزمەتتەر:

EGov Mobile-داعى «ستوپكرەديت» – نەسيە رەسىمدەۋدەن ەرىكتى تۇردە باس تارتۋ. 2026 جىلدىڭ 1 ماۋسىمىنداعى مالىمەت بويىنشا بۇل سەرۆيس 6,3 ملن رەت پايدالانىلعان.

EGov-كە قول جەتكىزۋدى قاداعالاۋ قىزمەتى – دەرەكتەردى وڭدەۋگە كەلىسىم بەرۋدى تەكسەرۋ جانە كەرى قايتارىپ الۋ.

NomadGuard – دەرەكتەردىڭ تاراپ كەتۋىن تەكسەرۋ جانە فيشينگ.

EGov جانە CitizenSec پلاتفورماسىنداعى كيبەرساۋاتتىلىق كۋرستارى.

باستى قاعيدا: ەشقاشان SMS كودتار مەن قۇپيا سوزدەردى ەشكىمگە بەرمەڭىز، سىلتەمەلەردى تەكسەرىپ الىڭىز جانە ەكى فاكتورلى اۋتەنتيفيكاتسيانى قوسىڭىز!

Abai.kz