قر ۇقك قىتايدىڭ 13 ازاماتىن ۇستادى...
قىتايدىڭ 13 ازاماتى قازاقستاندا حالىقارالىق الاياقتىق سحەماسىن ۇيىمداستىرعان – ۇقك...
قىتايدىڭ 13 ازاماتى قازاقستاندا حالىقارالىق الاياقتىق سحەماسىن ۇيىمداستىرعان، دەپ حابارلايدى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتى.
«ۇقك زاڭسىز ميگراتسياعا قارسى كۇرەس اياسىندا ەلدە بولۋ زاڭناماسىن بۇزعان قىتايدىڭ 13 ازاماتىن انىقتاپ، ۇستادى. تەكسەرۋ بارىسىندا بۇل شەتەلدىكتەردىڭ قازاقستان اۋماعىندا جاسىرىن حالىقارالىق ينتەرنەت-الاياقتىق سحەماسىن ۇيىمداستىرعانى انىقتالدى. ولاردان ۇلكەن كولەمدە كومپيۋتەرلىك تەحنيكا، ءموبيلدى تەلەفوندار، Starlink سپۋتنيكتىك ينتەرنەت بايلانىسى جيىنتىقتارى جانە كريپتوامياندارداعى ءىرى كولەمدەگى قاراجات تابىلدى»، - دەلىنگەن دۇيسەنبىدە تاراتقان حابارلامادا.
توپتىڭ ارەكەتى باسقا ەلدەردىڭ ازاماتتارىنا – قر رەزيدەنتى ەمەس تۇلعالارعا قارسى باعىتتالعانى جانە شەتەلدەن ۇيلەستىرىلىپ وتىرعانى اتاپ وتىلەدى.
«وسىعان بايلانىستى، ولاردى ودان ءارى تەكسەرۋ قحر قوعامدىق قاۋىپسىزدىك مينيسترلىگىندەگى ارىپتەستەرمەن بىرلەسىپ جۇرگىزىلدى. ۇستالعانداردىڭ كەيبىرى ءوز وتانىندا وسىعان ۇقساس قىلمىستارى ءۇشىن ىزدەۋدە جۇرگەنى انىقتالدى. اعىمداعى جىلدىڭ 16 قازانىندا شەتەل ازاماتتارى اكىمشىلىك تارتىپپەن ەلدەن شىعارىلىپ، ودان ءارى تەكسەرۋ جۇرگىزۋ ءۇشىن قحر ۋاكىلەتتى ورگاندارىنا تاپسىرىلدى»، - دەلىنگەن حابارلامادا.
Abai.kz
