ۇلتتىق بانك بازالىق مولشەرلەمەنى 15,75%-عا دەيىن تومەندەتتى. بۇعان دەيىن بۇل كورسەتكىش 16,25% دەڭگەيىندە بولعان ەدى.

قازاقستاندا جىلدىق ينفلياتسيا قاتارىنان 12 اي بويى باياۋلاپ كەلەدى. 2026 جىلدىڭ قىركۇيەگىندە ول 9,3%-دى قۇرادى. ازىق-تۇلىك ونىمدەرىنىڭ باعاسى بۇرىنعىعا قاراعاندا باياۋ ءوستى، ال جەمىس-جيدەك پەن كوكونىس باعاسى ايتارلىقتاي ارزاندادى. سونىمەن قاتار ەت جانە وتىن باعاسىنىڭ ءوسۋ قارقىنى دا باسەڭدەدى. قىزمەت كورسەتۋ سالاسىنداعى ينفلياتسيا 8,9% دەڭگەيىندە ساقتالدى.

ەل ەكونوميكاسى ءوسىمىن جالعاستىرىپ جاتىر. 2026 جىلدىڭ قاڭتار–قىركۇيەك ايلارى ارالىعىندا ءجىو (ىشكى جالپى ءونىم) 4,2%-عا ۇلعايدى. نەگىزگى ۇلەستى قۇرىلىس، وڭدەۋ ونەركاسىبى جانە كولىك سالالارى قوستى.

ۇلتتىق بانك بازالىق مولشەرلەمە بويىنشا كەزەكتى شەشىمىن 4 جەلتوقسان كۇنى استانا ۋاقىتىمەن ساعات 12:00-دە جاريالايدى.

Abai.kz