2026 جىلدىڭ III توقسانىندا 9,6 مىڭ شەتەلدىك قازاقستاندا ءتۇج-عا (پمج) رۇقسات الدى. 

ىشكى ىستەر مينيسترلىگىنىڭ ء(ىىم) مالىمەتىنشە، 2026 جىلدىڭ III توقسانىندا قازاقستاندا 9 603 شەتەلدىك پەن ازاماتتىعى جوق تۇلعا ەسەپكە قويىلدى.

تىركەلگەندەردىڭ ەڭ كوپ ۇلەسى الماتى قالاسىنا تيەسىلى – 1 995 ادام، ەكىنشى ورىندا – استانا (1 459), ءۇشىنشى ورىندا – الماتى وبلىسى (1 157). ال شەتەلدىكتەر اراسىندا ەڭ تومەن سۇرانىسقا يە وڭىرلەر – ۇلىتاۋ وبلىسى (16 ادام), قىزىلوردا وبلىسى (27) جانە بايقوڭىر قالاسى (51).

ۆەدومستۆو ولاردىڭ قاي ەلدىڭ ازاماتتارى ەكەنىن ناقتىلامايدى. دەگەنمەن، بۇعان دەيىن ءبىرىنشى كرەديتتىك بيۋرو ۇلتتىق ستاتيستيكا بيۋروسىنىڭ مالىمەتتەرىنە سۇيەنە وتىرىپ، 2025 جىلى قازاقستانعا تۇراقتى تۇرۋعا ء(تۇج) 23,8 مىڭ ادام كوشىپ كەلگەنىن حابارلاعان بولاتىن. ولاردىڭ شامامەن 80%-ى – وزبەكستان (11,8 مىڭ ادام), رەسەي (4,7 مىڭ) جانە قىتاي (2,6 مىڭ) ازاماتتارى، بۇل رەتتە قحر-دان كەلگەندەردىڭ 99%-ىن ەتنيكالىق قازاقتار قۇرايدى.

Abai.kz