ەلىمىزدەگى ەڭ اۋقىمدى زياتكەرلىك سايىستاردىڭ ءبىرى — «اباي Quiz – 2026» رەسپۋبليكالىق ويىنى ءوز مارەسىنە جەتتى.

ەلدىڭ تۇكپىر-تۇكپىرىنەن كەلگەن بىلىمدىلەر مەن لوگيكاسى جۇيرىك جاستاردىڭ باسىن قوسقان بۇل ءدۇبىرلى ءبىلىم باسەكەسىندە مەرەي قارت جەتەكشىلىك ەتەتىن «تۇراراقسىز تىركەستەر» كومانداسى قارسىلاستارىنان وزا شاۋىپ، باس جۇلدەنى قانجىعاسىنا بايلادى.

اتالمىش رەسپۋبليكالىق زياتكەرلىك ويىنعا رەكوردتىق دەڭگەيدە قاتىسۋشى جينالدى: ەلىمىز بويىنشا 100 كوماندا، جالپى سانى 600-گە جۋىق قاتىسۋشى باق سىناستى. بىرنەشە كۇردەلى كەزەڭنەن تۇراتىن، ۇلتتىق تاريح، ادەبيەت، لوگيكا جانە زاماناۋي ەرۋديتسيانى قامتىعان تارتىستى باسەكەدە «تۇراراقسىز تىركەستەر» توبى تاپقىرلىعىمەن، شاپشاڭدىعىمەن جانە كوماندالىق اۋىزبىرشىلىگىمەن ەرەكشەلەنىپ، 1-ورىندى جەڭىپ الدى.

كوماندا كاپيتانى، حالىق قۇرىلتايى مۇشەسى، بەلگىلى قالامگەر جانە قوعام بەلسەندىسى مەرەي قارتتىڭ جەتەكشىلىگىمەن ونەر كورسەتكەن توپ مۇشەلەرى ءار راۋندتا جوعارى ۇپاي جيناپ، باسەكەلەستىك جوعارى بولعان سايىستا وزگە كوماندالارعا مۇمكىندىك بەرمەدى.

جەڭىمپازداردى بۇل ۇلكەن ساراپتامالىق جانە زياتكەرلىك جەتىستىگىمەن قۇتتىقتايمىز! «تۇراراقسىز تىركەستەر» كومانداسىنا الداعى اسۋلاردا دا تەك بيىكتەن كورىنۋدى تىلەيمىز.

Abai.kz