تەدروس ادانوم گەبرەيەسۋس 77 مىڭ مەديتسينا قىزمەتكەرىنىڭ جالاقىسىن كوتەرۋ جانە العاشقى مەديتسينالىق-سانيتاريالىق كومەكتى دامىتۋ جونىندەگى شەشىمدى اتاپ ءوتتى.

دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس ادانوم گەبرەيەسۋس قازاقستاننىڭ دەنساۋلىق ساقتاۋ مەن حالىقتىڭ ءال-اۋقاتىنا باعىتتالعان جۇمىسىنا جوعارى باعا بەردى. ول بۇل تۋرالى الەۋمەتتىك جەلىدەگى پاراقشاسىندا جازدى.

ددسۇ باسشىسى پرەزيدەنت قاسىم-جومارت توقاەۆتىڭ 77 مىڭ مەديتسينا قىزمەتكەرىنىڭ جالاقىسىن كوتەرۋ جونىندەگى باستاماسىن اتاپ ءوتتى. ونىڭ ايتۋىنشا، العاشقى مەديتسينالىق-سانيتاريالىق كومەككە ينۆەستيتسيا سالۋ، جالپى پراكتيكا دارىگەرلەرىنىڭ مۇمكىندىكتەرىن كەڭەيتۋ جانە مەديتسينا كادرلارىن قولداۋ مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋعا ىقپال ەتەدى.

تەدروس ادانوم گەبرەيەسۋس قازاقستاننىڭ «بارشاعا ارنالعان دەنساۋلىق» جاھاندىق تۇجىرىمداماسىن قالىپتاستىرۋداعى ءرولىن دە ەسكە سالدى. وسىدان جارتى عاسىرعا جۋىق ۋاقىت بۇرىن بۇل يدەيا الماتى دەكلاراتسياسىندا كورىنىس تاپقان.

وسىدان 50 جىلعا جۋىق ۋاقىت بۇرىن قازاقستان الماتى دەكلاراتسياسى ارقىلى «بارشاعا ارنالعان دەنساۋلىق» جاھاندىق تۇجىرىمداماسىن قالىپتاستىرۋعا ۇلەس قوستى. 2028 جىلى وسى قۇجاتتىڭ قابىلدانعانىنا 50 جىل تولۋىنا وراي، قازاقستان اتالعان يدەيانى ناقتى ىسكە اسىرۋدىڭ ماڭىزدى ۇلگىسىن كورسەتۋدى جالعاستىرىپ كەلەدى. دەنساۋلىق ساقتاۋ سالاسىنداعى ساياسي قولداۋدىڭ ماڭىزى زور. ۇلگى كورسەتىپ وتىرعانى ءۇشىن قازاقستانعا العىس ايتامىن! - دەدى گەبرەيەسۋس.

Abai.kz