جەتىسۋ وبلىسىنا جۇمىس ساپارىمەن كەلگەن قر قۇرىلتايىنىڭ دەپۋتاتى ەكاتەرينا سمولياكوۆا، اۋىل شارۋاشىلىعى ۆيتسە-ءمينيسترى نازگۇل حاتەپوۆا جانە قارجى ۆيتسە-ءمينيسترى داۋرەن تەمىربەكوۆ ءوڭىردىڭ بەلسەندى جاستارىمەن كەزدەستى.

تالدىقورعان قالاسىنداعى «جەتىسۋ جاستارى» ورتالىعىندا وتكەن كەزدەسۋدە مەملەكەت باسشىسى قاسىم-جومارت توقاەۆتىڭ «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى قازاقستان حالقىنا جولداۋىندا ايقىندالعان باسىم باعىتتار تالقىلاندى.

قوناقتار الدىمەن ورتالىقتىڭ جۇمىسىمەن تانىسىپ، جاستارعا ارنالعان جوبالار مەن باستامالاردىڭ جۇزەگە اسىرىلۋ بارىسىن كوردى.

كەزدەسۋ بارىسىندا ءبىلىم بەرۋ، عىلىم، تسيفرلاندىرۋ، جاساندى ينتەللەكت، كاسىپكەرلىك، اۋىل شارۋاشىلىعىن دامىتۋ جانە جاستاردى جۇمىسپەن قامتۋ ماسەلەلەرىنە ەرەكشە نازار اۋدارىلدى.

اۋىل شارۋاشىلىعى ۆيتسە-ءمينيسترى نازگۇل حاتەپوۆا اگرارلىق سەكتوردى جاڭعىرتۋ، اۋىل جاستارىنىڭ كاسىپكەرلىك الەۋەتىن ارتتىرۋ جانە زاماناۋي تەحنولوگيالاردى ەنگىزۋ باعىتىنداعى مىندەتتەرگە توقتالدى.

قارجى ۆيتسە-ءمينيسترى داۋرەن تەمىربەكوۆ مەملەكەتتىك قاراجاتتى ءتيىمدى پايدالانۋ، قارجىلىق ساۋاتتىلىقتى ارتتىرۋ جانە جاستاردىڭ ەكونوميكالىق مۇمكىندىكتەرىن كەڭەيتۋ ماسەلەلەرىن قوزعادى.

ال قۇرىلتاي دەپۋتاتى ەكاتەرينا سمولياكوۆا جاستاردىڭ ەل دامۋىنداعى ءرولىن اتاپ ءوتىپ، ولاردىڭ قوعامدىق باستامالارعا بەلسەندى قاتىسۋىنىڭ ماڭىزدىلىعىن جەتكىزدى.

اشىق ديالوگ بارىسىندا جاستار وزدەرىن تولعاندىرعان سۇراقتارىن قويىپ، جۇمىسپەن قامتۋ، ءبىلىم الۋ، كاسىپكەرلىكتى قولداۋ جانە جاڭا تەحنولوگيالاردى مەڭگەرۋ بويىنشا ۇسىنىستارىن ءبىلدىردى.

كەزدەسۋ جاستار مەن مەملەكەتتىك ورگاندار وكىلدەرى اراسىنداعى ءوزارا بايلانىستى نىعايتىپ، پرەزيدەنت جولداۋىندا بەلگىلەنگەن مىندەتتەردى بىرلەسىپ جۇزەگە اسىرۋدىڭ ماڭىزىن ايقىندادى.

Abai.kz