دۇيسەنبى, 16 قاراشا 2026
جاڭالىقتار 64 0 پىكىر 16 قاراشا, 2026 ساعات 14:49

توقاەۆ ۇقك باسشىلىعىمەن كەڭەس وتكىزدى

سۋرەت: اقوردا تەلەگرام ارناسىنان الىندى.

قازاقستان پرەزيدەنتى قاسىم-جومارت توقاەۆ ۇلتتىق قاۋىپسىزدىك كوميتەتىنىڭ (ۇقك) باسشىلىعىمەن كەڭەس وتكىزدى، دەپ حابارلايدى اقوردانىڭ ءباسپاسوز قىزمەتى.

«مەملەكەت باسشىسى ۇلتتىق قاۋىپسىزدىك كوميتەتىنىڭ باسشىلىعىمەن كەڭەس وتكىزدى. پرەزيدەنت قاسىم-جومارت توقاەۆ ۇلتتىق قاۋىپسىزدىك كوميتەتىنىڭ جاڭا توراعاسى مارات يرمەنوۆتى تانىستىرىپ، ونىڭ الدىنا بىرقاتار مىندەتتەر قويدى»، — دەلىنگەن حابارلامادا.

مەملەكەت باسشىسى ۇلتتىق قاۋىپسىزدىك ورگاندارىن رەفورمالاۋ، ولارعا جۇكتەلگەن مىندەتتەردى ورىنداۋ تاسىلدەرىن قايتا قاراۋ جانە جۇمىس تيىمدىلىگىن ارتتىرۋ قاجەتتىگىن مالىمدەدى.

ول «زاڭ مەن ءتارتىپ» قاعيداتىن ىسكە اسىرۋدىڭ، ەلدىڭ ەكونوميكالىق مۇددەلەرىن قورعاۋدىڭ، سونداي-اق سىبايلاس جەمقورلىققا جانە وزگە دە قۇقىق بۇزۋشىلىقتارعا قارسى ءىس-قيمىلدىڭ ماڭىزدىلىعىن اتاپ ءوتتى.

سونىمەن قاتار پرەزيدەنت كادرلاردى ىرىكتەۋ جۇيەسىن جەتىلدىرۋدى، الەۋمەتتىك-ەكونوميكالىق تۇراقتىلىققا تونەتىن قاۋىپتەردىڭ الدىن الۋ جانە سىبايلاس جەمقورلىق تاۋەكەلدەرىن بولدىرماۋ، ونىڭ ىشىندە مەملەكەتتىك باعدارلامالاردى ىسكە اسىرۋ كەزىندەگى شارالاردى كۇشەيتۋدى تاپسىردى.

Abai.kz

0 پىكىر