2009 جىلعى قاراشانىڭ 11-ءى كۇنى قازاقستان ءباسپاسوز كلۋبىندا  بولاتحان تايجان قورىنىڭ پرەزيدەنتى مۇحتار تايجان مەن «التىنبەك سارسەنبايۇلىنىڭ قورى» قوعامدىق قورىنىڭ جەتەكشىسى ايدوس سارىم ءباسپاسوز ءماسليحاتىن وتكىزدى.

ءباسپاسوز ءماسليحاتىنىڭ سپيكەرلەرى جينالعاندارعا قازاق حاندىعىنىڭ نەگىزىن قالاۋشىلار - جانىبەك پەن كەرەي ەسكەرتكىشتەرى توڭىرەگىندەگى جاعداي مەن تاريحي ادىلەتتىلىكتى قالپىنا كەلتىرۋ جولىنداعى ازاماتتىق قوعامنىڭ ىقتيمال ارەكەتتەرى تۋرالى اڭگىمەلەدى.

جيىن بارىسىندا «abai.kz» اقپاراتتىق پورتالىندا جۇرگىزىلگەن ينتەرنەت-اكتسيانىڭ قورىتىندىلارى جونىندە ماعلۇمات بەرىلدى. جانىبەك پەن كەرەي حاندارعا ەسكەرتكىش ورناتۋ قاجەتتىگى جونىندەگى اشىق ۇندەۋ اياسىنداعى اكتسيانى وتكىزۋ باستالعاننان بەرگى ون كۇننىڭ قورىتىندىسى بويىنشا  600-گە جۋىق ادام قول قويىپ ۇلگەرىپتى. ولاردىڭ قاتارىندا  شىعارماشىلىق زيالى قاۋىم وكىلدەرى، عالىمدار، جۋرناليستەر مەن قازاق ءتىلدى رەسپۋبليكالىق جانە ايماقتىق باق ۇجىمدارى بار. ينتەرنەت-اكتسيانىڭ قورىتىندىلارى ءتيىستى حات تۇرىندە تولتىرىلىپ، مەملەكەتتىك ورگاندار مەن قاجەتتى ادرەساتتار بويىنشا استانا قالاسىنا جولداندى.

2009 جىلعى قاراشانىڭ 11-ءى كۇنى قازاقستان ءباسپاسوز كلۋبىندا  بولاتحان تايجان قورىنىڭ پرەزيدەنتى مۇحتار تايجان مەن «التىنبەك سارسەنبايۇلىنىڭ قورى» قوعامدىق قورىنىڭ جەتەكشىسى ايدوس سارىم ءباسپاسوز ءماسليحاتىن وتكىزدى.

ءباسپاسوز ءماسليحاتىنىڭ سپيكەرلەرى جينالعاندارعا قازاق حاندىعىنىڭ نەگىزىن قالاۋشىلار - جانىبەك پەن كەرەي ەسكەرتكىشتەرى توڭىرەگىندەگى جاعداي مەن تاريحي ادىلەتتىلىكتى قالپىنا كەلتىرۋ جولىنداعى ازاماتتىق قوعامنىڭ ىقتيمال ارەكەتتەرى تۋرالى اڭگىمەلەدى.

جيىن بارىسىندا «abai.kz» اقپاراتتىق پورتالىندا جۇرگىزىلگەن ينتەرنەت-اكتسيانىڭ قورىتىندىلارى جونىندە ماعلۇمات بەرىلدى. جانىبەك پەن كەرەي حاندارعا ەسكەرتكىش ورناتۋ قاجەتتىگى جونىندەگى اشىق ۇندەۋ اياسىنداعى اكتسيانى وتكىزۋ باستالعاننان بەرگى ون كۇننىڭ قورىتىندىسى بويىنشا  600-گە جۋىق ادام قول قويىپ ۇلگەرىپتى. ولاردىڭ قاتارىندا  شىعارماشىلىق زيالى قاۋىم وكىلدەرى، عالىمدار، جۋرناليستەر مەن قازاق ءتىلدى رەسپۋبليكالىق جانە ايماقتىق باق ۇجىمدارى بار. ينتەرنەت-اكتسيانىڭ قورىتىندىلارى ءتيىستى حات تۇرىندە تولتىرىلىپ، مەملەكەتتىك ورگاندار مەن قاجەتتى ادرەساتتار بويىنشا استانا قالاسىنا جولداندى.

ءباسپاسوز ءماسليحاتىن ۇيىمداستىرۋشىلار ۇلتتىق تاريحتى ناسيحاتتاۋدىڭ، جاس ۇرپاقتى پاتريوتيزمگە تاربيەلەۋدىڭ، قازاقستاننىڭ كورنەكتى مەملەكەت جانە قوعام قايراتكەرلەرىن ماڭگى ەستە قالدىرۋ مىندەتتەرى تەك مەملەكەتتىك ورگانداردىڭ عانا ەمەس، سونىمەن قاتار بۇكىل قوعامنىڭ مىندەتى ءارى قاسيەتتى بورىشى بولىپ سانالاتىنىن اتاپ كورسەتتى. وسىعان وراي ولار  قازاق حاندىعىنىڭ نەگىزىن قالاۋشىلاردىڭ ەسكەرتكىشتەرىنە بايلانىستى جاعىمسىز ءجايتتىڭ  جابىق كۇيدە قالىپ وتىرعاندىعى قۇپيا ارەكەتتەردىڭ ناتيجەسى دەپ ەسەپتەيتىندىكتەرىن ايتتى. شەنەۋنىكتەردىڭ وزدەرىنە شەكتەن تىس سەنىمدىلىگى، ۇلتتىق تاريحي جادىمىزدى ناسيحاتتاۋ ماسەلەلەرىن مونوپوليالاندىرۋعا تىرىسۋلارى قازاقستاندىق جانە الەمدىك قوعامداستىق كۋا بولعان ماسقاراعا جاعدايعا الىپ كەلدى. مۇنداي جاعدايلار ەل باسشىلىعىنىڭ يميدجىنە عانا نۇقسان كەلتىرىپ قويمايدى، سونىمەن بىرگە بۇكىل ۇلتىمىزدىڭ ابىرويىنا كولەڭكەسىن تۇسىرەدى.

باسقوسۋدى ۇيىمداستىرۋشىلار ەشقانداي دا كىنالىلەردى ىزدەپ تاۋىپ، ولاردى جازالاۋعا ۇمتىلمايتىندىقتارىن، ءتىپتى ەشكىمدى دە ونداي ارەكەتكە شاقىرمايتىندىقتارىن اتاپ كورسەتتى. سونىمەن قاتار، ولار  وزدەرىن بۇكىل قوعامدى قاناعاتتاندىراتىن ءتيىمدى دە كونسەنسۋستى شەشىمدەردى تاۋىپ، رەسپۋبليكا مەن استانالىق بيلىككە ۇسىنۋعا مۇددەلى بولىپ وتىرعاندارىن ايتىپ ءوتتى. اقىرى وسىلاي بولىپ قالعان ەكەن، قازاق حاندىعىنىڭ نەگىزىن قالاۋشىلاردىڭ ەسكەرتكىشتەرىن دايىنداۋ مەن استانا قالاسىنا جەتكىزۋگە بيۋدجەتتەن بولىنگەن ەلەۋلى قارجى شىعىندالعان ەكەن، ەندەشە ولارعا  ەلوردامىزدىڭ تورىنەن لايىقتى دا قولايلى ورىندى تاۋىپ، تۇعىرىنا ورناتۋ كەرەك دەدى ءباسپاسوز ءماسليحاتىن ۇيىمداستىرعان سپيكەرلەر.

وسىعان بايلانىستى م. تايجان مەن ا. سارىم مۇنداي شارالاردى قارجىلاندىرۋدىڭ قولدانىستاعى مەحانيزمدەرىن تۇسىنەتىندىكتەرىن مالىمدەدى. ەگەر بيلىك بۇگىنگى تاڭدا ەسكەرتكىشتەردى ورنالاستىرۋعا قاجەتتى قاراجات تابا المايتىن بولسا، وندا بۇل مىندەتتەردى ازاماتتىق قوعام ءوزى شەشە الادى. ءتىپتى، قارجى داعدارىسىنا قاراماستان، ۇلتتىق بيزنەس وكىلدەرى مەن ازاماتتىق قوعام مەملەكەتكە قارجىلاي جانە باسقاداي كومەك كورسەتۋگە، سونداي-اق سايكەس ماقساتتارعا ارناپ قاراجات جيناۋدى ۇيىمداستىرۋعا دايىن. مۇنداي جاعدايدا قالا باسشىلىعىنان ءبىر عانا نارسە: ەسكەرتكىشتى ورناتاتىن جەردى ءدال انىقتاۋ، تۇعىرتاس جونىندەگى ساۋلەتتىك جانە اۆتورلىق قۇقىق ماسەلەلەرىن شەشۋ تالاپ ەتىلەدى. قالعان شارۋانى ازاماتتىق باستامالار مەن قاراپايىم قازاقستاندىقتاردىڭ بەلسەندى ارەكەتتەرىنىڭ ەسەبىنەن جۇزەگە اسىرىپ،  قامتاماسىز ەتۋگە بولادى.

ول ءۇشىن جيىندى ۇيىمداستىرۋشىلار ازاماتتىق سەكتور وكىلدەرىن قاتىستىرا وتىرىپ، بولاتحان تايجان قورىنىڭ ەسەبىنە جاڭا ەسەپ-شوت اشپاقشى، سول ەسەپكە بيزنەس وكىلدەرى مەن ەل ازاماتتارى ەسكەرتكىش ورناتۋعا ارنالعان قاراجاتتارىن اۋدارا الادى. ەرىكتى اقشا اۋدارىمدارى مەن دەمەۋشىلىك كومەك ماكسيمالدى ترانسپارەنتتى تۇردە بولىنەتىن بولادى. «abai.kz» اقپاراتتىق پورتالىندا ارنايى بەت اشىلىپ، وندا اتالعان ەسەپكە ءتۇسىپ جاتقان اقشانىڭ مولشەرى مەن سالىمشىلار جونىندە جانە قارجىنىڭ قالاي جۇمسالىپ جاتقانى تۋرالى بارلىق مالىمەتتەر تۇراقتى جاريالانىپ تۇرادى. اتالعان جوبانىڭ اۆتورلارى ەل ازاماتتارىن وسى باستاماعا ءۇن قوسىپ، قولداۋعا شاقىرادى. ولار، سونىمەن قاتار، مەملەكەتتىك ورگاندارعا تاريحي جاۋاپكەرشىلىك پەن ساياسي جىگەرلىلىك كورسەتىپ، وسى ماسەلە بويىنشا قالىپتاسا باستاعان قوعامدىق پىكىرگە قارسى باعىت ۇستانباۋ جونىندە ۇسىنىس ايتىپ، ۇندەۋ تاستادى.

«بولاتحان تايجان قورى»

رنن 600900618175

يك 001700140 ۆ او «تەمIربانك» تەنگە

يك 216070377 دوللار سشا

بيك 190501793

سۆيدەتەلستۆو و گوس رەگيستراتسي 96725-1910-ف-د 05.03.2009 گ

بين 090340003348

گ الماتى م-ن سامال 2 د 16 كۆ 7

وكپو 50617734

پرەزيدەنت تايجان مۋحتار بولاتحانۋلى

8-701 566 2791, 8-777 255 2266