«ازات»جسد پارتياسىنىڭ ماڭعىستاۋ وبلىستىق فيليالىنىڭ توراعاسى جانىبەك قوجىق رەداكتسيامىزعا 1-ناۋرىزدان (2010 ج) باستاپ «وزەنمۇنايگاز» وندىرىستىك فيليالىنىڭ مۇنايشىلارى باسشىلارىنا نارازىلىق رەتىندە دۇركىن-دۇركىن جۇمىستارىن توقتاتىپ تۇرعانىن حابارلادى.

جانىبەك قوجىق مىرزا جەتكىزگەن دەرەككە سۇيەنسەك، مۇنايشىلار ەڭبەكاقى جۇيەسىن وزگەرتۋگە، ياعني جالاقىعا قوسىمشا بەرىلەتىن 70 پايىز كوەففيتسيەنتتى نەگىزگى تاريفكە (وكلادقا) كىرگىزدىرۋگە قارسىلىق تانىتىپ جاتقان كورىنەدى. مۇنايشىلاردىڭ ەسەبىنشە، 70 پايىز كوەففيتسيەنت ەڭبەكاقىعا ەنگەن  جاعدايدا، قولدارىنا الاتىن جالاقى كولەمى ەداۋىر ازايىپ كەتەدى ەكەن.

«مۇنايشىلاردىڭ ەكىنشى تالابى - قازىرگى «ومگ» ءوف ديرەكتورى باعىتقالي بيسەكەندى، ونىڭ ءوندىرىس جونىندەگى 1-ورىنباسارى امانتاي اڭشىباەۆتى، «ومگ» ءوف كاسىپوداق كوميتەتىنىڭ توراعاسى ماقسات يباعاروۆتى قاراپايىم جۇمىسشىلاردىڭ مۇددەسىنە كەرى ءىس-ارەكەتتەر جاساۋمەن اينالىساتىندىقتان جۇمىستارىنان بوساتۋ بولىپ تابىلادى»، -  دەپ حابارلايدى جانىبەك قوجىق.

جانىبەك قوجىق مىرزامەن حابارلاسىپ بۇگىن، ياعني 9-ناۋرىز كۇنى  8 مىڭنان استام مۇنايشىنىڭ كۇنى-ءتۇنى كەزەكتەسىپ جۇمىستى توقتاتىپ تۇرعانىن ەستىدىك. . بۇل شاراعا «ومگ» ءوف-نىڭ بارلىق قۇرىلىمدىق بولىمشەلەرى قاتىسىپ باستاعانعا ۇقسايدى.

«ازات»جسد پارتياسىنىڭ ماڭعىستاۋ وبلىستىق فيليالىنىڭ توراعاسى جانىبەك قوجىق رەداكتسيامىزعا 1-ناۋرىزدان (2010 ج) باستاپ «وزەنمۇنايگاز» وندىرىستىك فيليالىنىڭ مۇنايشىلارى باسشىلارىنا نارازىلىق رەتىندە دۇركىن-دۇركىن جۇمىستارىن توقتاتىپ تۇرعانىن حابارلادى.

جانىبەك قوجىق مىرزا جەتكىزگەن دەرەككە سۇيەنسەك، مۇنايشىلار ەڭبەكاقى جۇيەسىن وزگەرتۋگە، ياعني جالاقىعا قوسىمشا بەرىلەتىن 70 پايىز كوەففيتسيەنتتى نەگىزگى تاريفكە (وكلادقا) كىرگىزدىرۋگە قارسىلىق تانىتىپ جاتقان كورىنەدى. مۇنايشىلاردىڭ ەسەبىنشە، 70 پايىز كوەففيتسيەنت ەڭبەكاقىعا ەنگەن  جاعدايدا، قولدارىنا الاتىن جالاقى كولەمى ەداۋىر ازايىپ كەتەدى ەكەن.

«مۇنايشىلاردىڭ ەكىنشى تالابى - قازىرگى «ومگ» ءوف ديرەكتورى باعىتقالي بيسەكەندى، ونىڭ ءوندىرىس جونىندەگى 1-ورىنباسارى امانتاي اڭشىباەۆتى، «ومگ» ءوف كاسىپوداق كوميتەتىنىڭ توراعاسى ماقسات يباعاروۆتى قاراپايىم جۇمىسشىلاردىڭ مۇددەسىنە كەرى ءىس-ارەكەتتەر جاساۋمەن اينالىساتىندىقتان جۇمىستارىنان بوساتۋ بولىپ تابىلادى»، -  دەپ حابارلايدى جانىبەك قوجىق.

جانىبەك قوجىق مىرزامەن حابارلاسىپ بۇگىن، ياعني 9-ناۋرىز كۇنى  8 مىڭنان استام مۇنايشىنىڭ كۇنى-ءتۇنى كەزەكتەسىپ جۇمىستى توقتاتىپ تۇرعانىن ەستىدىك. . بۇل شاراعا «ومگ» ءوف-نىڭ بارلىق قۇرىلىمدىق بولىمشەلەرى قاتىسىپ باستاعانعا ۇقسايدى.

تاۋەلسىز ءبىر دەرەك كوزى رەداكتسيامىزعا ماڭعىستاۋمۇنايگازدىڭ قىتايلارعا قۇپيا تۇردە  ساتىلىپ جاتقانىن ءبىلىپ قويعان جۇمىسشىلار ۇلكەن تولقۋدىڭ الدىندا تۇر دەگەن بولاتىن.   الايدا، قازمۇنايگازدىڭ جۇرتشىلىقپەن بايلانىس جونىندەگى وكىلى داۋرەن ءجۇمادىلوۆ بۇل جايتتى قاۋەسەت دەپ مالىمدەدى. وكىلدىڭ اۋزىنان شىققان سوزگە سەنەر بولساق، ماڭعىستاۋمۇنايگاز قىتايلارعا ساتىلمايدى دا، باسقارۋعا دا بەرىلمەيدى ەكەن...

«اباي-اقپارات»