بىشكەك. 10 ءساۋىر. قازتاگ – ەقىۇ ءىس باسىنداعى توراعاسىنىڭ ارنايى وكىلى جانىبەك كارىبجانوۆ قىرعىزستانداعى قاقتىعىسۋشى تاراپتار اراسىنداعى ديالوگتىڭ قاجەتتىگىن قولدادى. بۇل تۋرالى ەقىۇ رەسمي سايتى حابارلادى.

«ءاربىر شيەلەنىستە ەكى تاراپ بولادى، جانە ەگەر وسى تاراپتار ءبىر بىرىنە جاقىنداسقىسى كەلمەسە، ەشقانداي ءۇشىنشى تاراپ شيەلەنىستى تابىستى رەتتەي المايدى»، - دەپ ايتقان ج كارىبجانوۆتىڭ، جۇما كۇنى قىرعىزستاننىڭ ۋاقىتشا اكىمشىلىگىنىڭ باسشىسى روزا وتۋنباەۆامەن كەزدەسۋىن قورىتىندىلاپ باق-تارعا بەرگەن سۇحباتىندا ايتقان ءسوزىن سايت كەلتىرىپتى.

حاباردا ايتىلعانداي، ارنايى وكىل سول كۇنى بىشكەكتە ءىس باسىنداعى ىشكى ىستەر مينيسترىمەن جانە ۇلتتىق قاۋىپسىزدىك كوميتەتىنىڭ جەتەكشىسىمەن كەزدەستى.

وندا ول، جاڭا ساياسي جاعدايداعى قىرعىزستان حالقىنىڭ اراسىندا سەنىمدى وياتۋ جالپى ەلدەگى سەنىمدى قالپىنا كەلتىرۋدە وتە ماڭىزدى ەكەنىن اتاپ كورسەتتى. 

ر. وتۋنباەۆامەن كەزدەسۋدە داعدارىس سالدارىن جويۋ جولىنداعى بىرلەسە اتقاراتىن جۇمىستار تالقىلاندى.

بىشكەك. 10 ءساۋىر. قازتاگ – ەقىۇ ءىس باسىنداعى توراعاسىنىڭ ارنايى وكىلى جانىبەك كارىبجانوۆ قىرعىزستانداعى قاقتىعىسۋشى تاراپتار اراسىنداعى ديالوگتىڭ قاجەتتىگىن قولدادى. بۇل تۋرالى ەقىۇ رەسمي سايتى حابارلادى.

«ءاربىر شيەلەنىستە ەكى تاراپ بولادى، جانە ەگەر وسى تاراپتار ءبىر بىرىنە جاقىنداسقىسى كەلمەسە، ەشقانداي ءۇشىنشى تاراپ شيەلەنىستى تابىستى رەتتەي المايدى»، - دەپ ايتقان ج كارىبجانوۆتىڭ، جۇما كۇنى قىرعىزستاننىڭ ۋاقىتشا اكىمشىلىگىنىڭ باسشىسى روزا وتۋنباەۆامەن كەزدەسۋىن قورىتىندىلاپ باق-تارعا بەرگەن سۇحباتىندا ايتقان ءسوزىن سايت كەلتىرىپتى.

حاباردا ايتىلعانداي، ارنايى وكىل سول كۇنى بىشكەكتە ءىس باسىنداعى ىشكى ىستەر مينيسترىمەن جانە ۇلتتىق قاۋىپسىزدىك كوميتەتىنىڭ جەتەكشىسىمەن كەزدەستى.

وندا ول، جاڭا ساياسي جاعدايداعى قىرعىزستان حالقىنىڭ اراسىندا سەنىمدى وياتۋ جالپى ەلدەگى سەنىمدى قالپىنا كەلتىرۋدە وتە ماڭىزدى ەكەنىن اتاپ كورسەتتى. 

ر. وتۋنباەۆامەن كەزدەسۋدە داعدارىس سالدارىن جويۋ جولىنداعى بىرلەسە اتقاراتىن جۇمىستار تالقىلاندى.

«ادامداردى قورعاۋ مەن حالىق اراسىندا سەنىمدى وياتۋ - زاڭدىلىق پەن قۇقىقتىق ءتارتىپتىڭ ورناۋىنا وتە قاجەت نارسە. ەقىۇ بۇل ۇدەرىسكە سەپتىگىن تيگىزۋگى دايىن. ۋاقىتشا اكىمشىلىكتىڭ سۇرانىسى بويىنشا، ءبىز قازىردىڭ وزىندە بىشكەكتەگى ەقىۇ ورتالىعى ارقىلى قىرعىزستانداعى حالىق جاساقتارىنىڭ شۇعىل قاجەتتىلىگىن قامتاماسىز ەتۋگە باعىتتالعان قولداۋ كورسەتىپ جاتىرمىز. ول جاساقتار قوعامدىق ءتارتىپتى ساقتاۋ مەن جەكە مەنشىككە قول سۇقپاۋشىلىقتى قامتاماسىز ەتۋمەن اينالىسىپ جاتىر»، - دەدى ول.

ارنايى وكىل ر. وتۋنباەۆامەن ۇلتتىق دەڭگەيدەگى دە، حالىقارالىق دەڭگەيدەگى دە بارلىق نەگىزگى مۇددەلى تاراپتارمەن اتقارىلاتىن شارالاردى ۇيلەستىرۋ ماسەلەسىن تالقىلادى.

«ءبىز ەلدەگى جالپى احۋال تۋرالى ناقتى ماعلۇماتتارىمىز بولعان جاعدايدا عانا الداعى شارالار تۋرالى شەشىم قابىلداي الامىز. ءبىز ونى وقيعاعا تارتىلعان بارلىق تاراپتارمەن، سونداي-اق بۇۇ ارنايى وكىلىمەن جانە قىرعىزستانعا وسى جاقىندا كەلەتىن ەو-نىڭ ورتالىق ازيا جونىندەگى  ارنايى وكىلىمەن تالقىلاماقشىمىز»، - دەپ قوستى ج. كارىبجانوۆ.

ارنايى وكىل قىرعىزستاننىڭ ءىس باسىنداعى ۇلتتىق قاۋىپسىزدىك كوميتەتىنىڭ باسشىسى جانە ىشكى ىستەر مينيسترىمەن كەزدەسۋ بارىسىندا ولاردىڭ بۇگىنگە قابىلداعان شارالارىن جوعارى باعالادى. «ءبىز قوعامدىق ءتارتىپ پەن ادام سەنىمىن قالپىنا كەلتىرۋ ءۇشىن جاسالعان قادامداردى قولدايمىز جانە بۇكىل ەلدەگى جاعداي قالىپقا كەلەدى دەگەن ۇمىتتەمىز»، - دەگەن ونىڭ سوزدەرىن ەقىۇ سايتى كەلتىرىپتى. 

تۋىستارى مەن جاقىندارىنان ايرىلعاندارعا كوڭىل ايتا وتىرىپ، ج. كارىبجانوۆ: «بۇگىن، ۇلتتىق ازالىق كۇنى، ءبىز قىرعىزستان حالقىمەن بىرگەمىز. وتكەن وقيعالار كەزىندە ادامدار نەگىزگى قۇقىقتارى – ءومىر ءسۇرۋ قۇقىعىنان ايرىلدى، جانە قايعىنىڭ قاسىرەتى دە وسىندا. ءبىز مۇنداي قايتالانباسى ءۇشىن بىرلەسە جۇمىس جاساۋىمىز كەرەك»، - دەدى.

ج. كارىبجانوۆ قازاقستان پارلامەنت ءماجىلىسىنىڭ ۆيتسە-سپيكەرى، قازاق-قىرعىز پارلامەنتارالىق توپتىڭ توراعاسى، توتەنشە جانە وكىلەتتى ەلشى مارتەبەسى بار. ەقىۇ-نىڭ ءىس باسىنداعى توراعاسى، قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ونى ارنايى وكىل ەتىپ 8-ءشى ساۋىردە تاعايىندادى. ەقىۇ حاتشىلىعىنىڭ قاقتىعىستاردى الدىن الۋ جونىندەگى ۆەناداعى ورتالىعىنىڭ ديرەكتورى گەربەر زالبەر ونىڭ قىرعىزستانعا جاساعان ساپارىندا قولداۋ كورسەتىپ ءجۇر.