الماتى. 12 ءساۋىر. قازتاگ – انگليانىڭ جوعارى سوتىنىڭ شەشىمىمەن Energomash (UK) Limited ەكس-باسشىسى جانە نەگىزگى اكتسيونەرى الەكساندر ستەپانوۆ ەكى جىلعا سوتتالدى، دەپ حابارلادى بانك ءباسپاسوز قىزمەتى.

بانك ءباسپاسوز قىزمەتىنىڭ دۇيسەنبى كۇنى تاراتقان اقپاراتتىق پاراقشاسىندا ايتىلعانداي، اتالعان سوت تەرگەۋلەرى 2009 جىلى بتا بانك شاعىمىمەن انگليانىڭ جوعارعى سوتىندا ەنەرگەتيكالىق ماشينا جاساۋ سالاسىنداعى الەمدىك بەلدى ءوندىرۋشى بولىپ تابىلاتىن «ەنەرگوماش» كومپانيالار توبىنا كىرەتىن، مامىلەلىك ماقساتىندا ارنايى قۇرىلعان Rolls Finance Limited كومپانياسىنا قاتىستى قوزعالعان. 

شاعىم ءمانىسى - بتا بانكتىڭ 2008 جىلى تامىزدا Rolls Finance Limited كومپانياسىنا بەرىلگەن $365 ملن نەسيەسى تۋرالى بولىپ وتىر.

«اتالعان نەسيەنىڭ كەپىلدىگى رەتىندە Energomash (UK) Limited كومپانياسىنىڭ اكتسيالار پاكەتى بولعان. بۇل كومپانيا بۇرىنعى باس ديرەكتور جانە كومپانيانىڭ نەگىزگى اكتسيونەرى الەكساندر ستەپانوۆقا تيەسىلى بولعان جانە دەفولت ورىن العان جاعدايدا ا. ستەپانوۆتىڭ ءوزى وسى نەسيەنى جابۋعا كەپىلدىك بەرگەن»، - دەلىنگەن قۇجاتتا.

كەيىن، 2009 جىلى ناۋرىزدا Rolls Finance Limited كومپانياسى نەسيە بويىنشا دەفولتقا جول بەرىپ، ول بتا بانكتىڭ ا. ستەپانوۆقا قارسى سوتقا ءتيىستى شاعىم بەرۋىنە  سەبەپ بولدى.

الماتى. 12 ءساۋىر. قازتاگ – انگليانىڭ جوعارى سوتىنىڭ شەشىمىمەن Energomash (UK) Limited ەكس-باسشىسى جانە نەگىزگى اكتسيونەرى الەكساندر ستەپانوۆ ەكى جىلعا سوتتالدى، دەپ حابارلادى بانك ءباسپاسوز قىزمەتى.

بانك ءباسپاسوز قىزمەتىنىڭ دۇيسەنبى كۇنى تاراتقان اقپاراتتىق پاراقشاسىندا ايتىلعانداي، اتالعان سوت تەرگەۋلەرى 2009 جىلى بتا بانك شاعىمىمەن انگليانىڭ جوعارعى سوتىندا ەنەرگەتيكالىق ماشينا جاساۋ سالاسىنداعى الەمدىك بەلدى ءوندىرۋشى بولىپ تابىلاتىن «ەنەرگوماش» كومپانيالار توبىنا كىرەتىن، مامىلەلىك ماقساتىندا ارنايى قۇرىلعان Rolls Finance Limited كومپانياسىنا قاتىستى قوزعالعان. 

شاعىم ءمانىسى - بتا بانكتىڭ 2008 جىلى تامىزدا Rolls Finance Limited كومپانياسىنا بەرىلگەن $365 ملن نەسيەسى تۋرالى بولىپ وتىر.

«اتالعان نەسيەنىڭ كەپىلدىگى رەتىندە Energomash (UK) Limited كومپانياسىنىڭ اكتسيالار پاكەتى بولعان. بۇل كومپانيا بۇرىنعى باس ديرەكتور جانە كومپانيانىڭ نەگىزگى اكتسيونەرى الەكساندر ستەپانوۆقا تيەسىلى بولعان جانە دەفولت ورىن العان جاعدايدا ا. ستەپانوۆتىڭ ءوزى وسى نەسيەنى جابۋعا كەپىلدىك بەرگەن»، - دەلىنگەن قۇجاتتا.

كەيىن، 2009 جىلى ناۋرىزدا Rolls Finance Limited كومپانياسى نەسيە بويىنشا دەفولتقا جول بەرىپ، ول بتا بانكتىڭ ا. ستەپانوۆقا قارسى سوتقا ءتيىستى شاعىم بەرۋىنە  سەبەپ بولدى.

«سوت قاراۋلارى بارىسىندا ستەپانوۆ مىرزا سوتقا قوسىمشا كەلىسىمدى ۇسىندى. ول كەلىسىم، ونىڭ ايتۋىنشا، 2008 جىلدىڭ سوڭىندا ونىمەن بتا بانك اراسىندا جاسالعان. بۇل قۇجاتتار نەسيەلىك كەلىسىم شارتتارىن بتا مۇددەسىنە ايتارلىقتاي قايشى كەلەتىندەي وزگەرتتى. بىراق قۇجاتتاعى جازۋعا جاسالعان ساراپتامادا بۇل كەلىسىمنىڭ قولدان جاسالعان، جالعان ەكەنى انىقتالىپ، ا. ستەپانوۆ ۇسىنعان وقيعا جەلىسى قابىلدانبادى»، - دەلىنگەن قۇجاتتا.

2009 جىلى 14-ءشى قازاندا انگليانىڭ جوعارعى سوتى ا. ستەپانوۆتان $468 ملن قارجىنى بتا بانك پايداسىنا شىعارۋ تۋرالى شەشىم قابىلدادى. قازىرگى ۋاقىتتا بتا بانك ۇلىبريتانيادا دا رەسەيدە دە وسى سوت شەشىمىن ورىنداتۋعا قاجەت ءار ءتۇرلى قادامدار جاساۋدا.

ودان باسقا، 2009 جىلى قاراشادا ماسكەۋ قالاسىنىڭ چەرەمۋشكينسكي اۋداندىق سوتى ا. ستەپانوۆتىڭ جەكە كەپىلدىگىنە قاتىستى بانك شاعىم –تالابى بويىنشا بتا بانك پايداسىنا شەشىم شىعاردى. قازىرگى ۋاقىتتا اتالعان شەشىم كاسساتسيالىق ساتىدا قاراستىرىلۋدا.

بانكتىڭ اقپاراتتىق پاراقشاسىندا ايتىلعانداي، اعىلشىندىق Energomash (UK) Limited كومپانياسى قازىر ءماجبۇرلى جويىلۋ كەزەڭىنەن وتۋدە.

«2009 جىلعى 14-ءشى قازانداعى شەشىمىنە قوسىمشا، انگليانىڭ جوعارعى سوتى ءوزىنىڭ بۇيرىعىمەن وعان تيەسىلى اكتيۆتەر تۋرالى اقپاراتتى اشۋعا، ونىڭ ىشىندە ا. ستەپانوۆتىڭ تىكەلەي جانە جاناما باقىلاۋىنداعى «ەنەرگوماش» توبىنداعى دا اكتيۆتەر تۋرال اقپاراتتى اشۋعا مىندەتتەدى. سونداي-اق انگليانىڭ جوعارعى سوتىنىڭ بۇيرىعىمەن ستەپانوۆتىڭ باقىلاۋىنداعى قاي جەردەگى بولماسىن اكتيۆتەرىمەن جاسالاتىن مامىلەلەرگە تىيىم سالىندى»، - دەپ كورسەتىلگەن اقپاراتتىق پاراقشادا.

ا. ستەپانوۆ اتالعان بۇيرىقتاردى ورىنداماعانى سەبەپتى انگليانىڭ جوعارعى سوتى 31-ءشى ناۋرىزدا سوتتى سىيلاماعانى ءۇشىن ايىپتى دەپ تاۋىپ، ونى قاماۋعا الۋ تۋرالى وردەر بەرىپ، جانە ا. ستەپانوۆ تۇرمەگە جاتقىزىلعان ۋاقىتتان باستاپ ەكى جىلعا سوتتاۋ تۋرالى شەشىم شىعاردى.