قىتايدىڭ شىڭجاڭ ۇيعىر اۆتونوميالى وكرۋگى  پوليتسياسى ايماقتا سوڭعى ەكى اپتادا بولعان تەررورلىق اكتىلەرگە كۇدىكتى رەتىندە 232 ادامدى تۇتقىنداعان. قىتاي اقپارات قۇرالدارىنا سىلتەمە جاساعان «ازاتتىقتىڭ» دەرەگىنە ساي، كۇدىكتى تۇتقىندالۋشىلار تەرروريزم مەن ءدىني ەكسترەميزمدى ناسيحاتتادى دەپ ايىپتالعان. پوليتسيا كۇدىكتى ادامداردى ينتەرنەت ونىمدەرى مەن ونلاين ۆيدەولارمەن كۇرەس ناۋقانى بارىسىندا تۇتقىنداپتى. ەستەرىڭىزدە بولسا سوڭعى ايلاردا قىتايدا ءجيى تەرراكت تىركەلگەن بولاتىن.  29 ناۋرىز كۇنى قىتايدىڭ وڭتۇستىك-باتىسىنداعى كۋنمين قالاسىندا ورتالىق تەمىرجول ستانتسياسىندا پىشاقپەن قارۋلانعان بىرنەشە ادام جۇرتقا شابۋىل جاساپ، سالدارىنان 29 ادام قازا تاۋىپ، 143-ءى جارالانعان ەدى.   30 ءساۋىر كۇنى شىڭجاڭنىڭ ورتالىعى - ءۇرىمجى  ۆوكزالىندا جەڭىل جارىلىس بولدى. وسى جانە باسقا دا تەرراكت وقيعالارىنا رەسمي پەكين شىڭجاڭنىڭ جەرگىلىكتى حالقى - ۇيعىرلاردى ايىپتايدى. 6 مامىر كۇنى قىتايدىڭ وڭتۇستىگىندەگى گۋانچجوۋ قالاسىندا تەمىرجول ۆوكزالىندا جارىلىس بولىپ، 6 ادام جارالعاننان كەيىن ەل اۋماعىندا كۇش قۇرىلىمدارى باقىلاۋدى كۇشەيتكەن. قىتاي استاناسى پەكين كوشەلەرىندە قاۋىپسىزدىك كۇشتەرى اسكەري كولىكتەرمەن قاراۋىلعا شىعا باستاعان.

اباي-اقپارات