ماعان بۇرىن بار زۇلىمدىق كرەملدە سەكىلدى كورىنەتىن. ەندى سوڭعى ءۇش ايدا اقىماق ەمەس دەگەن جانداردىڭ باستارىندا قانشاما بوقتىقتىڭ بورسىپ جاتقانىن بايقادىم.

قىرىم تۋراسىندا ەشتەڭە جازعىم كەلمەگەن، دالىرەگى، جازعىم كەلسە دە، ءوزىمدى تىيىپ كەلگەم، سەبەبى قانشاما نارسە جازىلدى، دۇرىسى دا، مەملەكەتتىڭ بىلشىلى دا قايماق سەكىلدى بەتىنە شىقتى، بۇعان الىپ-قوسارداي ەشتەڭە كورمەگەم. بىراق مەنىڭ ەسى دۇرىس دەگەن تانىستارىم الەۋمەتتىك جەلىلەرگە سۇڭگىپ كەتتى دە، ميتينگىدە تۇكىرىگى شاشىراي سويلەيتىن زەينەتكەرلەردەن دە كورىنە قويمايتىن وزدەرىنىڭ ناعىز بەت-ءجۇزىن ايقىندادى.

مەن بۇل پوستى جازا وتىرىپ، ەشكىمنىڭ دە ۋاجىنە نەمەسە قاۋەسەتىنە سۇيەنبەيمىن. قولىمىزدا ەكى ايعاق بار — ۋكراينا يانۋكوۆيچتى قۋدى جانە رەسەي ۋكراينادان قىرىمدى جىمقىردى.

ءبىرىنشى. ۋكراينا. بۇل ءوز زاڭدارى، ازاماتتارى مەن فەدەرالدىق قۇرىلىمى بار بوگدە ەل. ءبىزدىڭ بۇل ەلدە كۇردەلى جاعداي تۋىنداعان ءساتتى پايدالانىپ قىرىم تۇبەگىن جىمقىرۋىمىز ۇدەرىستى سۇيكىمدى ەتپەيدى. ەلەستەتىڭىزشى، بولوتنويدا ميتينگ بولىپ جاتقاندا، جاپونيا الدى دا اسكەرىن كۋريل ارالدارىنا كىرگىزىپ جىبەردى جانە ەكى اپتادان سوڭ ارال تۇرعىندارى جاپونيا قۇرامىندا قالۋعا داۋىس بەردى دەيىك.

جاعداي بىردەي عوي. كۋريل ارالدارى ءتۇرلى ۋاقىتتىڭ بۇلتاڭىمەن تايپالىق بولسىن، جاپوندىق اۋماق بولسىن بىزدىكى بولىپ شىقتى، ويتكەنى، بىرەۋ شەكارا سىزىعىن سولاي سىزدى. ەندى ءبىز سونى بەرە سالار ما ەدىك؟ جوق. بولماسا شەشەنستاندى؟ سول سەكىلدى ۋكراينا دا قىرىمدى بەرە سالمايدى. ورىستان باسقا وندا ۋكرايندار، تاتارلار دا، باسقا ادامدار دا رەسەيلىك زاڭنىڭ كۇشى جوق باسقا جەرلەردە دە تۇرىپ جاتىر.

ەندى، ناقتىلاپ ايتايىن،  ۋكراينادا ورىستارعا دەگەن جامان قاتىناستىڭ كوكەسى ورنايدى: ورىس تەلەارنالارىن قيادى، ويتكەنى، كۇنى-ءتۇنى وتىرىك پەن بىلشىلدى تىڭداۋ كىمگە دە جاقسى ەمەس، باعدارلاما وندىرىسىنەن ورىس اكتەرلەرى تۇسكەن فيلمدەردى الاستايدى، ت.ت.
ورىس جۇرتىن قورعاۋدىڭ ورنىنا اقىرىندا بىزگە نە ءتيدى؟ ەسكالاتسيا جالعاسا بەرسە، ءاربىر ارەكەت سايىن اسا قاتەرلى تاۋەكەلگە باس تىگەتىن بولامىز.  سوندا جەردى جيىستىرۋشىنىڭ ماقساتى وسى ما؟ دەمەك، ورىستاردى قورعاۋ كەرەك دەگەندەردىڭ ءۋاجى بۇرىس بولعانى.

ەكىنشى. قىرىم — ءبىزدىڭ جەر. ال تاتارستان؟ كالينينگراد شە؟ قىرىم العاش رەت 18-عاسىردا بىزگە قوسىلدى. ورتا ازيا، كاۆكاز، فينليانديا — بۇلاردىڭ ءبارى دە 19-عاسىردا قوسىلعان جوق پا؟ ەندەشە نە تۇرىس، نەگە سوعىسپايمىز؟ بولماسا كۇشپەن الىنعاندى نەگە قايتارمايمىز؟ قالىپتاسقان شەكارانى وزگەرتۋگە باعىتتالعان قانداي پرەتسەدەنت بولسا دا، بۇگىندە پاندورا جاشىگىن اشۋعا قابىلەتتى (پاندورا – ەجەلگى گرەكتىڭ ءۇمىت پەن قايعىعا تولى ميفتىك جاشىك يەسى. -رەد). رەسەيدىڭ  اۋە قورعانىسى ماسكەۋدىڭ اسپانىن عانا قورعاي الاتىنىن ەسكەرتىپ قانا وتەيىن.

كەز كەلگەن ەلدىڭ بومبارديروۆششيكتەرى كەز كەلگەن قالاعا بوگەلمەستەن جەتەدى. ال يادرولىق قارۋ قولدانىسقا ەمەس، بۇگىندە ساياسي تەجەۋ قۇرالىنا جاقسى جارايدى. جالپى ءبىز قىرىمدى الىپ، ودان ءارى باسقا جەرلەرىمىزدەن ايىرىلۋ جولىن باستادىق. دەمەك، بىرەۋلەرگە ءبىزدىڭ الەم كارتاسىندا بولۋىمىز ازداي،تاريحي قارقىندا دا دۇرىس ءۇردىستىڭ بولماعانى عوي.

ءۇشىنشى. قىرىم دوتاتسيالىق ايماق. ونداعىلاردىڭ رەسەيدەن تۇرمىس دەڭگەيى تومەن، وندا ينفراقۇرىلىم، ءوز سۋى، ەلەكتر قۋاتى، دەنى دۇرىس ايلاق، تەمىرجول   مەن اۋەجاي تاعى باسقالارى جوق. بۇل – تۇبەگىڭ cابان اقشا تۇرادى دەگەن ءسوز. بۇل پىشەن اقشا، وليمپيادا مەن 2018 جىلى وتەتىن الەم چەمپيوناتىنان دا قىرۋار شىعىن. ەگەر ول جەر التىن بولسا، نەگە 20 جىلدىڭ ىشىندە جۇماق ەمەس، بوقتىققا اينالدى؟

شاماسى، ودان كۋرورت بيزنەسىنىڭ ءىنجۋىن جاساۋ وڭاي بولماعانى. ال، ەستەن تاندىرار تانىمالدىعى بار سوچي، ادلەر مەن تۋاپسە الەمنىڭ دايۆينگ پەن شوپينگقۇمارلارى بولا تۇرا قىرسىققاندا ءبىز دە ەشتەڭە ىستەي المادىق ەمەس پە.
قىسقاسى، ءبىزدىڭ جاعادا تۇرىپ-اق بىلگەنىمىز، ەشبىر تابىس تاپپاستان تاعى 2 ميلليون اۋىزدى قورەكتەندىرۋىمىز كەرەك قوي. تۇبەكتەگى فلوتتى جالداۋدان ۇنەمدەسەك تە، قىرىم ونىمدەرىن ساتساق تا بۇل اقشانى قايتارۋ مۇمكىن ەمەس. بۇل بار بولعانى – سوڭعى جىلدارداعى ءىرى جوبالار سەكىلدى تالاي پونتتىڭ ءبىرى.

تۇبەكتىڭ بارىن قىرقادى، ۇرلايدى دا تەليكتەن رەسمي تاسپا ولگەن شالىنىڭ جەيدەسىنەن دامبال تىگىپ كيگەن زەينەتكەر كەمپىرلەردىڭ باقىتتى جۇزدەرىن كورسەتەر. دەمەك، بۇل جىمقىرۋدان رەسەيدىڭ كۇشەيگەنىنە سەنەتىندەردىكى دە بىلشىل.

قىرىمدىقتار رەسەي ءۇشىن سوعىسقا باسپايدى. ايتپەسە، جاۋىنگەر بولسا، الدەقاشان ءبولىنىپ بىزگە قوسىلار ەدى، بولماسا وزدەرىنىڭ جاعاجايلارى مەن قوناق ۇيلەرىن دۇرىستاپ الار ەدى عوي.

ءتورتىنشى. تاعى دا اقشا جايىندا.
ەكونوميكا. حالىقارالىق سانكتسيا — بۇل دا تۇسىنىكتى، ءبارىن دە قىمباتىنا الامىز دەگەن ءسوز. ەگەر مۇنايدى قۇلدىراتساق — ءبىزدىڭ كورەتىنىمىز توقسانىنشى جىلعى جاعداي،1991 جىلدى قۇرساعان بار ماسەلە، اقشاسىزدىق، بارتەر جانە دە كىم كورىنگەن سۋۆەرەنيتەتشىل بولىپ شىعا كەلەرى تاعى بار. ىشكى كەدەرگىلەر دە بەلگىلى. بىزگە جاڭا جولدار سالىپ نە كەرەك، زەينەتاقى، دۇرىس ەمحانا، قۇلامايتىن ۇشاقتار، جۇيرىك پويىز تاعى باسقا 21-عاسىردىڭ شاتتىعى نە كەرەك؟ بىزگە نەگىزى 19-عاسىر جاقىن: كرەپوستنويلىق پەن يمپەريانى كەڭەيتۋ دەگەن سياقتى بىردەڭەلەر.

بۇگىنگە دەيىن كەتكەن شىعىن 243 ملرد. ءرۋبلدىڭ ماڭايىندا، بۇل وسى جىلدىڭ باسىنداعىسى عانا. بۇل اقشاعا ورىستاردى باسقا ميلليونداعان جولدارمەن قۇتقارۋعا بولار ەدى عوي. ەڭ بولماعاندا مەكتەپتەر مەن ۋنيۆەرسيتەتتەر سالۋعا، ەڭ بولماسا جۇتاعان دەرەۆنيالارداعى اجەيلەردى دەنى دۇرىس قارتتار ۇيلەرىنە كوشىرۋگە بولار ما ەدى، قۇرىعاندا دارىندى بالالارعا شاكىرتاقى تولەۋدى ايتسايشى. ال ەندى قىرىم ءبىزدىڭ زەينەتاقى جيناق قورىنان اقشا السا، «سوۆوك» (سوۆەت وكىمەتىن ايتادى. – رەد.) زامانى قايتىپ كەلدى دەي بەر. ول كەزدە رف-دان باسقا وداق رەسپۋبليكالارى جاقسى قامتىلعانى ەسىمىزدە. ەندەشە يمپەريا ءۇشىن تاعى دا بيلىك ءوز ازاماتتارىن اياقاستى ەتۋگە دايىن ەكەن.

بەسىنشى. قىرىمنىڭ رەسەيگە قوسىلعانى، سىزدەرگە، مەنىڭ تانىستارىم مەن وقىرماندارىم، قايسىسىڭا جاقسى بولدى؟ مەن وعان دەمالۋعا بارماسپىن، جانە دە بارۋىم دا نەعايبىل، ودان دا تۇركياعا تارتپايمىن با، وندا ساياجايلار ارزان ءارى ساپالى، يسپانيا ەكىباستان قىمبات،ءتىپتى باسقا الەم. وك. جارار. ءبارىن مەنىمەن ولشەۋگە بولمايدى عوي. مەن كورسەتكىش ەمەسپىن. باسقالار ءۇشىن قاراستىرايىن. قىرىمعا بارىپ دەمالۋشىلار ءۇشىن ەندى رەسەيلىك قىرىمدا ارزان بولا ما؟ ورىس اسكەرى مەن ارنايى قىزمەتتەرى تۇرعاندا وندا قاۋىپسىزدەۋ مە، نە؟

بىزدىكىلەر كىنالى بولعان قاي وقيعا دا قىمتالىپ، بار كىنا جاپا شەككەندەرگە جابىلىپ شىعا كەلەتىنى راس. ال تۋريستەردىڭ 40%   ۋكرايندار بولىپ، بۇعان قوسا 10 پايىزىن شەتەلدىكتەر قۇراعان ءتۋريزمدى جوعالتۋدان  جەرگىلىكتى جۇرتقا دا وڭاي بولماسى ءمالىم. رەسەي، ارينە، اقشا بەرەدى، اۋىزدارىن جابۋ ءۇشىن. ءبىزدىڭ اقشامىزدى. مەنىڭ، سەنىڭ اقشاڭدى. ايتپەسە، بىرەۋ-مىرەۋ قىرىم شارابىن ساتىپ الادى دەيسىڭ بە؟ بۇعان دەيىن ونى نەگە المادى؟

سونىمەن نە پايدا؟ ەگەر دە پايدانى اقشامەن ەسەپتەسەك

سوچيدە وتكەن وليمپياداعا تريلليوندار ءبولىپ، رەسەيدىڭ بولاشاق وڭدى كەيپىن تانىتۋدىڭ قانداي قيسىنى بولدى، ەگەر دە ەكى كۇننەن كەيىن ول ابىرويدى قىرىمعا اسكەر كىرگىزۋمەن ايرانداي توكسەك. ەسۋاستىقتىڭ ءيىسى مۇرىن جارادى. جانە دە ءسىزدىڭ ەسەبىڭىزدەن، اتالعان ەكى الاياقتىق تا — ءسىزدىڭ اقشاعا ىستەلىپ وتىر. الگى اككى بالا تاريحتا قالعىسى كەلەدى، وعان بۇنىڭ كەسىرىنەن قانشا اۋرۋحانا سالىنباي قالاتىنى، قانشا ادامنىڭ ولەتىنى ماڭىزسىز، ويتكەنى، وقتاۋلى مىلتىق ايتەۋىر اتىلادى.

قىرىمدى قوسقاننان رەسەيدىڭ ەشبىر تۇرعىنىنا پايدا جوق. رەسەيلىك تەلەارنالار سوعىس تارتىبىنە كوشكەن، ەندى باسقا سالالار دا ۇزاق ۋاقىت بويى وسىلاي بولىپ قالماق. بارلىق قوعامدىق كەڭىستىك تازارتىلۋدا، كىم كەلىسپەيدى – ساتقىن، ارانداتۋشى جانە فاشيستەر بولىپ سانالادى. انەكي، ۋكراين فاشيستەرىمەن قورقىتۋدا. سوعان رەسەي قورقۋدا.

ءاربىر فاناتتىق تۇكپىردە سۆاستيكا، شەتەلدىكتەردى پىشاقتاپ، ۇرىپ-سوعاتىن ەلدە «ەۆرەي» - جارتىلاي مازاق ءسوز، ال قالعانى – حوحولدار، چۋركتەر،تاتارۆالار، قىليكوزدەر، ايۋاندار، چەحتار،  — بارلىق باسقا جۇرتتارعا وسىنداي «جاعىمدى» ەپيتەتتەر تيگەن.

ايتپاقشى، سەندەر قىرىمدى العانىمىزعا نەگە قۋاناسىڭدار، بىلەسىڭدەر مە؟ ويتكەنى، بارىڭە ايتەۋىر بىردەڭەمەن ماقتانۋ كەرەك قوي؟ ال ماقتانارلىق ەشتەڭە جوق، جۇردايمىز. راقاتتانىپ تۇتىناتىن تاۋاردىڭ ءبارى شەتەلدىك. ازىقتىڭ ۇشتەن ەكى بولىگى دە سولاي.

الەمدى قىزىقتىرار سوۆەتتىك قارۋ مەن مۇناي-گازدان باسقا ءبىز ەشتەڭە وندىرمەيمىز. تەك قانا بىزدەگى اسا قىمبات سپورت، ودان دا قىمباتى – سوعىس قانا. فيندەردىڭ قالاي ماقتاناتىنىن بىلەسىز بە؟ ولار ەل باسشىسىنىڭ وزدەرىمەن بىرگە قاراپايىم ۇشاقتا ۇشاتىنىنا ماقتانادى. لوندوندىقتار قالاي ماقتانادى، ولار مەردىڭ جۇمىسقا ۆەلوسيپەدپەن باراتىنىنا ءماز. ال بىزگە ماقتاناتىن ەشتەڭە جوق. مىنە، سول سەبەپتى ءوز بۇتىمەن اۋرە بولعىشتىڭ ء(ونانيستىڭ) سالتاق دامبالىنداعى ءاشاۋ قىرىم دەسە اتىپ تۇرادى...

شىن مانىندە بۇنىڭ ءبارى قۇلدىقتىڭ سالدارى، سودان رەسەيلىك ادامدار شىعا الماۋدا. كرەاتيۆ تاپ بولوتنويعا شىقتى دا، باستارىنا ءبىر قويىپ ەدى، بارىنە دايىن بولدى. مايدانعا ستۋدەنتتەر شىعىپ ەدى، باستارىنان ولار دا الاتىنىن الدى، ءبىر اپتادان سوڭ وندا دا مىڭداعان ادامدار ءازىر بولدى. ارينە، ولاردىڭ ءبارى ەمەس، اراسىندا «جاناشىرلار» بولدى، ءبارى ءبارىن ۇعا قويعان جوق، بىرەۋلەر ارينە الگىلەردى باعىتتاعىسى، ارانداتقىسى، تاعى بىردەڭە ىستەگىسى كەلدى. بىراق بولار ءىس بولدى.

جارتى ميلليون ادام شىقتى دا ايتتى، «تايىڭدار كانە، ورمانعا!» دەدى. ەندى كەز كەلگەن يانۋكوۆيچتەن كەيىنگى پرەزيدەنت، وسى تاجىريبەنى بىلەتىن بولادى دا، بىلىقتىڭ شەگى بولاتىنىن ۇعادى. جانە دە بۇل رامكالار جىل سايىن تارىلا تۇسەدى، كونستيتۋتسيا تارماقتارىمەن تەڭەسكەنشە. ال ەندى سونى ماسكەۋمەن سالىستىرىڭدارشى.

كونستيتۋتسيا بىزدە ورتاعاسىرلىق كرەپوستنويلىق كودەكسپەن  تەڭەسۋدە. مىناۋ بولمايدى، ال مىناۋ تەك قانا ءباريننىڭ رۇقساتىمەن عانا، «بۇل تۇرمە»، «ال مىنانى بەر»، «ساعان بيزنەس نە كەرەك؟» دەگەندەي... ۋكرايندار تۇردى دا «زاە…لو!» («جەپ بىتىردىڭدەر!») دەي الدى. جانە دە قولعا قارۋ السا دا قورعانىسقا كوشتى.

رەسەي نە ىستەدى؟ ءوز حالقىنان بەزگەن ادامدى قامقورلىققا الدى. بالكىم، وندا الەمگە ايتار پۋتين تۋرالى دا، باسقاسىنىڭ بىلىقتارى تۋرالى دا اڭگىمە جەتىپ ارتىلاتىن شىعار... قانداي دەنى دۇرىس ەل ءوز حالقى مەن ەلى الدىندا كۇناھار قىلمىسكەردى قورعاشتايدى؟ ايتەۋىر ىشكى جاعى دۇرىس ەل ويتپەيتىنى ايان.

ماعان بۇرىن بار زۇلىمدىق كرەملدە سەكىلدى كورىنەتىن. ەندى سوڭعى ءۇش ايدا اقىماق ەمەس دەگەن جانداردىڭ باستارىندا قانشاما بوقتىقتىڭ  بورسىپ جاتقانىن بايقادىم.

مەن ۋكراينامەن سوعىسقا قۋاناتىن  رەسەيلىكتىڭ ماقتانىشىن اقتايتىن بەس تارماقتى اتادىم. تاعى دا كەلتىرە تۇسۋگە بولار ەدى جانە ولاردىڭ ءبارى قيسىنعا سايكەسپەس ەدى. رەسەيلىكتەردىڭ قيسىننان تىس ءۇش جاعدايىنان باسقاسى.

ەگەر دە ءسىز قىرىمنىڭ اقشاسىن ءبولىسۋ ارقىلى بايىعىڭىز كەلسە، — ءسىز ەسۋاس ەمەسسىز، جاي عانا ۇرىسىز. ەگەر دە ءسىز  قۇلدىراعان ەكونوميكادان نازاردى باسقا جاققا اۋدارىپ، رەيتينگىڭىزدى وزگە مەملەكەتكە باسىپ كىرۋ ارقىلى كوتەرگىڭىز كەلسە، وندا ءسىز ەسۋاس ەمەسسىز، كوپ ۇزاماي تاريح وقۋلىعىنىڭ پاراعىندا «تۇرمەدە قازا تاپتى» دەگەن جولدارمەن قالاسىز. ال ءۇشىنشىسى — ەگەر ءسىز رەسەيمەن وركەنيەت ويىنىن ويناساڭىز، ءسىز ەسۋاس ەمەسسىز، ءسىز جاي عانا ويىنشىسىز.

سونىمەن، مەنىڭ قالعان-قۇتقان قۇرمەتتىلەرىم، ويناۋعا دا، ءبىزدىڭ مەملەكەتتىڭ ويناۋىن دا تىياتىن كەز كەلدى.  مەن پۋتين — ءبىزدىڭ پرەزيدەنت ەكەنىنە كوزىم جەتتى، ويتكەنى ونىڭ اناۋ «بۇركىتتىكتەردى» اسىراپ الۋى، بەسىنشى باعانا مەن كونتۋرلىق كارتانى بوياعىشتاۋ – ونىڭ قاراۋىنداعى وتاردىڭ كوپشىلىگىنىڭ كۇيەگىن قوزدىرادى. جانە دە ماعان عۇمىرىمدا مىنا وتاردىڭ وزگەرەتىنى نەعايبىل دەگەن وي كەلدى. ماعان يمپەريالىق جوسپاردىڭ قاجەتى جوق، مەن بار بولعانى شوقالاقسىز تەگىس جولمەن جۇرگىم كەلەدى.

ماعان قىرىم كەرەك ەمەس، مەن دۇكەننەن الاتىن ازىققا سەنگىم كەلەدى. مەن رەسەي شەكاراسىنا تاياۋ تۇرعان ناتو اسكەرىنەن قورىقپايمىن، ويتكەنى ءپۋتيننىڭ جولداستارىنىڭ ۇرلىعىنان اسىرىپ ۇرلاۋعا باسقالاردىڭ شاماسى جوق. مەن بار بولعانى - ءومىر سۇرگىم، تابىس تاپقىم، ونى جۇمساعىم جانە ءوزىم مەن تۋىستارىما قامقور بولعىم كەلەدى. مەنىڭ ويىمشا، مۇندايلار رەسەيدە ءدال مە ءدال 20%. شىندىعىندا ودان دا كوپ بولار، بىراق كوپشىلىگى ناۋقانعا ەرۋگە داعدىلانعان جانە دە «ۋرا» دەۋگە ءازىر. ونىڭ ۇستىنە ۋكرايناداعى جاعداي وسى ادامدار ءۇشىن مۇرسات قانا.

ەگەر دە ۋكراينا وسىدان  امان ءوتىپ، وندا ەركىن پرەسسا مەن كۇن سايىن بارىنشا ديكتاتورلىق باعىتقا قايتا جازىلمايتىن زاڭدارى قالسا، وندا ول جەر ءومىر سۇرۋگە جارامدى ءارى جامان مەكەن بولمايدى. كيەۆ ماسكەۋدەن ادەمىرەك، اسحاناسى ءدامدى، باعاسى ارزان، ۋكرايندار مەن  ورىستار تىرلىكتە ءبارىبىر ءبىر ءبىرىن ۇعىسادى، ءبىزدى قانشاما نارسە ماتاپ تاستاعان. كليمات وندا جۇمساعىراق، نە بولسا و بولسىن، ودەسسا تەڭىز شارۋاسىنا ارنالعان قالا.

ەۋروپا گەوگرافيالىق تاراپتان جاقىن، ەگەر ول ءوز ءتارتىبىن قۇقىق پەن قاۋىپسىزدىككە ەنگىزسە، وندا ەۋروپا پسيحولوگيالىق تۇرعىدان دا جاقىنداي تۇسەدى. ەۋروپادا بولىپ كەلگەن ادام، ءوز وتانى قالاي قارسى الاتىنىن بىلەدى جانە ونىڭ قانداي ۇيات ەكەنى دە ايان.
بالكىم، قولىنان كەلەتىندەردىڭ باتىسقا كەتەتىنى دە راس بولار. ماسەلەن، مەن. وسىندا قالىپ، بىردەڭەنى تۇزەتۋگە ءوزىم دە قۋانا كەلىسەر ەدىم، بىراق مەن سەكىلدىلەر ەلدە تىم از. كوپشىلىگى بارعان سايىن قوڭىرقايلانا  ءارى توپاستانا تۇسۋدە.

ايتەۋىر سوعىس بولماسا جارادى.

ۆلاديمير پوزنەر

http://smotriinfo.net/debilizmom-popaxivaet-trezvyj-russkij-vzglyad-na-krym.html

ورىستىلىنەن اۋدارعان – Abai.kz