الماتى وبلىسىنىڭ اۋماعىنداعى تالعار قالاسىنان شىعاتىن ءورىستىلدى «تالگار-بازار» گازەتى ايدىڭ-كۇننىڭ امانىندا «قازاقستان رەسەيگە»  (كازاحستان ك روسسي) دەگەن تاقىرىپ قويىپ، تىنىش جاتقان ەلدى شۋ-شۇرقان ەتتى  («تالعار-بازار» گازەتى № 15, 17 اپرەل، 2014 جىل). ء تىپتى، «رەسەي شىعىس قازاقستاندى قوسىپ العىسى كەلەدى» دەپ ء«سۇيىنشى» سۇراپتى اتالعان گازەت (سۋرەتتە).

 «اباي» پورتالىنىڭ رەداكتسياسىنا تەلەفون شالىپ، ەلەكتروندى پوشتاسىنا حات جازعان وقىرماندار «مۇنداي جولسىزدىقتى جازاسىز قالدىرماۋ كەرەك»  دەپ شىر-پىر بولۋدا.  ءبىز گازەت رەداكتسياسىنا حابارلاسىپ، راۋشان ەسىمدى جۋرناليستپەن تىلدەستىك. «وتكەن بەيسەنبىدە جارىق كورگەن ول ماقالا رەداكتسيامىزدىڭ قاتەلىگى. سوندىقتان گازەتىمىزدىڭ بۇگىنگى سانىندا وقىرماندارىمىزدان كەشىرىم سۇراپ وتىرمىز»، - دەيدى ول.

حاكاستىق شتىگاشەۆ دەگەننىڭ سوزدەرىنەن «قۇراپ شىققان» ماقالانىڭ مازمۇنى – «شىعىس قازاقستاننىڭ رەسەيگە قوسىلۋىن 80 پايىز حالىق قالاپ وتىر، بۇل تاريحي ادىلەتتىلىك» دەگەنگە سايادى. ءسويتىپ، جارنامامەن «جان باعىپ» جۇرگەن اۋداندىق ءورىستىلدى گازەتتىڭ ءوزى تاۋەلسىز قازاقستاننىڭ تەرريتوريالىق تۇتاستىعىنا سىزات تۇسىرەتىن، ەلدىڭ تىنىشتىعىن بۇزاتىن ىرتكى ماقالالارعا ورىن بەرە باستادى. ال، قازاقستاندىق بيلىك تايلى-تاياعى قالماي «اڭىز ادام» جۋرنالىنىڭ ارتىندا ءجۇر.

Abai.kz