قارا تەڭىزگە اقش اسكەري كەمەسى كىردى دەپ حابارلايدى «ازاتتىق» راديوسىنىڭ سايتى.  كەمە كەشە بوسفور بۇعازى ارقىلى جابىق تەڭىزگە شىققان. جىل باسىنان بەرى تۇركيا ۇكىمەتىنىڭ رۇقساتىمەن اقش اسكەري كەمەلەرى بىرنەشە رەت قارا تەڭىزگە شىقتى. سوچي وليمپياداسى قارساڭىندا اقش-تىڭ  «قاۋىپسىزدىكتى» قامتاماسىز ەتۋگە كەلگەن «تەيلور» اسكەري كەمەسى قارا تەڭىزدىڭ تۇركيا جاعالاۋىندا سىنىپ، سامسۋن قالاسىندا قايرانداپ قالعان ەدى. وسى كەمەگە بايلانىستى رەسەي قورعانىس ءمينيسترى سەرەگي لاۆروۆ ءساۋىر ايىنىڭ باسىندا تۇركيا مەن اقش-تى 1936 جىلعى مونترە كونۆەنتسياسىن بۇزدى دەپ ايىپتاعان. كونۆەنتسيادا شەتەلدىك كەمەلەر قارا تەڭىز اۋماعىندا 21 كۇننەن ارتىق بولماۋى تۋرالى شارت بار. «تەيلور» وسى مەرزىمنەن ارتىق ۋاقىت قارا تەڭىزدە بولدى. قارا تەڭىزگە اكەلگەن اقش-تىڭ كەلەسى كەمەسى ناتو بويىنشا وداقتاستارىنىڭ "قاۋىپسىزدىگىن قورعاۋ تۋرالى مىندىتتەمەلەرىنە ادال ەكەنىن" ءبىلدىرۋ ءۇشىن كىرگىزىلگەن. ايتا كەتەيىك  وتكەن اپتادا ۋكراينانىڭ باتكيۆششينا پارتياسىنىڭ ليدەرى، پرەزيدەنتتىكتەن ۇمىتكەر يۋليا تيموشەنكو اقش-تان اسكەري كومەك سۇراعان بولاتىن. اقش اتالمىش سۇرانىمعا ارنايى جاۋاپ قاتپادى. ءارى كەشە ۋكرايناعا كەلگەن اقش ۆيتسە پرەزيدەنتى دجو بايدەن تيموشەنكومەن كەزدەسپەدى. سايكەسىنشە تيموشەنكو بۇگىنگە جوسپارلاعان اقش-قا ساپارىنان باس تارتتى. 

اباي-اقپارات