بۇگىن يراقتا بىرنەشە رەت جارىلىس بولدى دەپ حابارلادى BNews.kz  اقپاراتقا سايكەس جارىلىس سالدارىنان 18 ادام قازا تاۋىپ، 50 گە جۋىق ادام جاراقات العان. يراقتىڭ ساماۆا قالاسىنىڭ پوليتسياسى جارىلعىش زات سالىنعان ەكى كولىكتىڭ كۇلى كوككە ۇشىپ، 7 جەرگىلىكتى تۇرعىن قازا تاپقانىن، سونداي-اق 17 ادام جاراقات العانىن مالىمدەدى. باعدادتاعى جەكەمەنشىك شەيىتتەر كوللەدجىندە بولعان جارىلىستان ءتورت پوليتسەي مەن ءبىر وقىتۋشى ءولىم قۇشىپ، 18 ادام جاراقات العان. جارىلىستى ۇيىمداستىرعان جانكەشتى عيماراتتىڭ كىرەبەرىسىندە جارىلعىش زاتتى ىسكە قوسىپ، ءۇش جانكەشتى ىشكى باسا كوكتەپ كىرگەن. ولاردىڭ بارلىعىنىڭ كوزى جويىلعان. سونداي- اق باعداد وڭتۇستىگىندەگى يسكاندەريا قالاسىندا جارىلعىش زات سالىنعان كولىك جارىلىپ، 3 بەيبىت تۇرعىن قازا تاۋىپ، 12 ادام جاراقات الدى. ءارى باعدات ماعىنداعى ەلدى مەكەننىڭ باس كوشەسىندە دە جارىلىس ۇيىمداستىرىلىپ، 3 ادام ءولىم قۇشىپ، التى كىسى  جاراقاتتانعان. وسىنشاما جارىلىس ارەكەتتەرىن ايماقتاعى بىردە ءبىر تەرروريستىك توپ ازىرگە  موينىنا الا قويمادى.

اباي-اقپارات